Batzorde Olinpikoak hiru hilabete barru erabakiko du Tokioko Jokoak egingo badira
Nazioarteko Batzorde Olinpikoak (NOB) hiru hilabete barru ebatziko du 2020ko Tokioko Olinpiar Jokoak aurreikusita dauden bezala egingo diren ala ez, Dick Pound erakundeko kide zaharrenak baieztatu duenez. Izan ere, koronabirusa dela eta hainbat kirol ekitaldi bertan behera geratzeko arriskuan daude, tartean Olinpiar Jokoak.
Pounden esanetan, Tokioko Olinpiar Jokoen nondik norakoa erabakitzeko "hiru hilabeteko tartea" itxaron behar dute, Txinan azkar zabaltzen ari den birusaren mehatxupean baitaude. "Denak beti bezala jarraitu beharko luke", adierazi du Europa Press berri agentziak jaso duen Associated Press agentziari eskainitako elkarrizketan.
1978tik Batzorde Olinpikoko kide den Pounden mezua ez da alarmista izan, baina uztailaren 24an hastekoa den hitzordu olinpikoak aurre egin behar dituen arriskuak aitortu ditu. "Gerra berria da hau, eta aurre egin behar diogu. Jendeak bere buruari galdetu beharko dio ea agintariek egoera kontrolpean duten Tokiora lasaitasunez joan ahal izateko", gaineratu du.
Olinpiar joko modernoak 1896an abiatu ziren, eta, geroztik, soilik Munduko Gerretan zehar geratu dira bertan behera. Hain justu, 1940an Tokion ziren egitekoak. Horrez gain, bere historian zehar zenbait boikot jasan dituzte: 1976an, Montrealen; 1980an, Moskun; eta 1984an, Los Angelesen.
"Hartu beharrekoa erabaki izugarria da, eta ezin dugu halakorik egin esku artean datu fidagarririk izan gabe", iritzi dio Poundek.
Gainera, aitortu du beste hiri batera aldatzeak "aukera gutxi" dituela. "Tokia lekuz aldatzea zaila da, denbora tarte labur horretan instalazioak prestatzeko gai diren leku gutxi daudelako munduan", azaldu du.
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.