Gasteiz, emakumezkoen teniseko munduko hiriburua izango da uztailean
World International Tennis txapelketa, lehen aldiz egingo da Gasteizen. Nazioarteko txapelketa hau WTA Munduko Zirkuiturako puntuagarria izango da, ITF-Nazioarteko Tenis Federazioaren ikuskaritzapean. Uztailaren 22tik 28ra artean egingo da, La Peña Vitoriana klubaren instalazioetan. Uztailaren 22tik 28ra bitartean jokatuko da txapelketaren lehen edizioa, zoru gogorreko lau pistatan. Banakako eta binakako txapelketak jokatuko dira.
Txapelketako irabazleek, 50 puntu lortuko dituzte WTA Zirkuituan. Txapeldunordeek, 30 puntu. Finalerdira iristen direnek, 18 puntu. Final-laurdenetara iristen direnek, 9 puntu. Final-zortzirenekoek, 5 puntu; Atariko fasera iristen direnek, puntu bat. Azkenengo atariko fasera heltzen direnek, puntu bat.
Banakako multzo nagusian 32 jokalari izango dira: Hamaazpi, zuzenean onartuak; sei, aurretiazko fasean sailkatuak; bost, ITFren sailkapena dutenentzat erreserbatuak, eta, lau 'wild card' bidez antolakuntzak gonbidatuak- Gonbidatuen artean egongo da Marta Garcia tenislaria. Banakako atariko fasean, 24 jokalari egongo dira: Hogei, zuzenean onartuak, eta, lau 'wild card' bidezkoak.
Binakakoan, 16 bikotek osatuko dute txapelketako multzo nagusia. Guztira, 31 partida jokatuko dira banakoen azken fasean, 18 partida banakakoko atariko fasean, eta 15 partida binakakoan.
Kultura, Hezkuntza eta Kirol zinegotzia den Estíbaliz Cantok, Igone Martinez de Luna diputatuak, txapelketaren kirol-zuzendaria den Unai Corujok, Peña Vitorianako kudeatzailea den Alejandro Botellak, eta Marta Garcia Arabako sailkapeneko lehen postuan dagoen eta ekitaldian parte hartuko duen tenislariak aurkeztu dute txapelketa astearte honetan.
150 tenislari
Mundu guztitik etorritako 16 eta 29 urte bitarteko 150 jokalari inguruk —WTA sailkapeneko 200. eta 700. postuetan daudenak— hartuko dute parte World Tennis Tour Vitoria-Gasteiz txapelketaren lehen edizioan, La Peña Vitoriana klubaren instalazioetan.
Horrelako nazioarteko tenis txapelketa sortuta, ekitaldi bakar eta berritzailea ezarri nahi da, kirol horren profesionalen eta zaleen arteko topagune bat sortzeko beharrezko diren baldintzak eskainiko baititu.
Zure interesekoa izan daiteke
KIROLAK EITB aro berria martxan da
Martxan da KIROLAKEITB.EUS atari berria; bertan jasoko dugu EITBren kirol unibertsoa: streaming emanaldiak, bideoak, albisteak… Sartu eta gozatu!
Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Zarauzko golf klubean 100 urte atzera egin dute
Urtero bezala, urteari amaiera emateko Zarauzko golf klubean denboran atzera egin dute "Open Hickory" lehiaketari esker. Garai bateko jantziak soinean, eta Hickory makilak eskuartean zituztela aritu dira golfean, duela 100 urte bezala.
Lucas Eguibar bere laugarren Jokoetan lehiatuko da, Milan-Cortina d 'Ampezzon
Aldez aurretik Basque Teameko snowboardlari donostiarra Sotxi 2016, Pyeongchang 2018 eta Beijing 2022an izan da, eta bi diploma olinpiko eskuratu ditu.
Marino Zulet Dakarren izango da Toyotarekin
Azken bost urteetan bezala, Dakar Rallyaren edizio berrian azpiegitura jarriko du Zuletek. Toyotarekin egongo dira berriro eta euskal lantaldea osatuko dute.
Agur "Boxeo Izarrak" saioari
Euskal Telebistako Kiroletako taldearentzat, egun berezia da gaurkoa. 34 urteren ostean, "Boxeo Izarrak" saioaren azken atala emitituko da gaur gauean. Gure lankide Pedro Marik aurkeztuta, urte luzez nazio mailako eta nazioarteko borrokaldi onenak eskaini dituen saioak, agur esango du gaur. Zorionak, eta eskerrik asko Pedro Mari, egindako lan guztiarengatik.
Lindsey Vonnek bigarren gaztaroa bizi du, bost urtez goi mailako lehiaketatik at eman ondoren
Eskiatzaile estatubatuarrak, aurreko hamarkadan izarra izan zenak, distira egin du berriro, eski alpinoko Munduko Kopako proba bat irabazi duen beteranoena baita.
Hugo Gonzalez de Oliveira Europako txapelduna, faboritoa Ordizian, Eguberriko igeriketa Txapelketan
Proba Europako Ligakoa da; hurrengo astelehenean izanen da, abenduaren 29an, eta EITBk zuzenean emanen du.
Basque Teamek fundazioko urteko euskal kirolari nabarmenenak omendu ditu Gabonetako galan
Janire Fernandez-Etxabarri eta Aitor Francesena surflariak, Salma Solaun gimnasta, Anton Legorburu munduko eta Europako errugbi txapeldunordea eta Iñigo Llopis eta Nahia Zudaire paralinpikoak izan dira omenduetako batzuk. Bestetik, goi mailari agur esan diotenei omenaldia egiteko ere aprobetxatu dute. Tania Calvo txirrindulariaren kasua da hori.
Pedro Mari Goikoetxeak "Boxeo Izarrak" saioari agur esan dio
Ostiral gauero, Pedro Mari Goikoetxeak Manu Maritxalarrekin batera munduko lehiarik ikusgarrienak eta zirraragarrienak eskaini eta komentatu dituzte. Pedro Marik 34 urteren ondoren saioa agurtu du, laster erretiroa hartuko baitu.