Euskal Selekzioko bost kirolarik parte hartuko dute Japoniako Mt. Awa Skyrace proban
Mendi-lasterketetako Euskal Selekzioa Japoniara abiatuko da aste honetan Mt. Awa Skyrace txapelketan parte hartzeko. Eusko Jaurlaritzaren laguntzari esker, Oihana Azkorbebeitiak, Ander Iñarrak, Julen Martinez de Estibarizek, Maria Zorrozak, eta Mayi Mujikak parte hartuko dute punta-puntako proba honetan. Japoniakoa kontuan hartuta, Euskal Selekzioa Munduko Kopako gure mugatik kanpoko hamaika probatan izango da.
Eusko Jaurlaritzak, Euskal Mendizale Federazioak eta Euskal Selekzioak elkarlan horren nondik norakoak azaldu dituzte, astelehen honetan Donostian egindako aurkezpenean. Han izan dira, Eusko Jaurlaritzako Jarduera Fisiko eta Kirol zuzendaria, Jon Redondo; Euskal Mendizale Federazioko presidentea Joserra Alonso; Federazioaren zuzendari teknikoa, Irati Anda; Euskal Selekzioaren hautatzaileetako bat, Iñaki Uribe-Etxebarria; eta Euskal Selekzioaren kide den Oihana Azkorbebeitia. Azpimarratu dutenez, bidaia, Eusko Jaurlaritzaren eta Euskal Mendizale Federazioaren arteko lankidetzari esker izango da posible eta baliagarria izango da Euskal Selekzioaren ibilbidea sendotzen jarraitzeko.
"Eusko Jaurlaritzak lan egiten du nazioarteko onarpen ofiziala duten federazioak eta selekzioak gero eta gehiago izan daitezen. Euskal Mendizale Federazioa onartuta dago Nazioarteko Mendizale Federazioan; ahotsa dauka, baina ez botoa. Horri balioa eman behar diogu eta pausoak eman behar ditugu botoa ere izan dezan. Horrez gain, gero eta sona handiago duten mendi lasterketetan badugu gure Euskal Selekzioa, orain dela hemeretzi urte jaio zen eta ibilbide bikaina egiten ari dena. Eusko Jaurlaritzak lan egin behar du proiektu hori sustatzeko eta indartzeko", adierazi du Jon Redondok.
Astelehen honetako prentsaurrekoan azaldu dutenez, Eusko Jaurlaritzaren eta Euskal Mendizale Federazioaren arteko akordioari esker, Munduko Kopako proba ezberdinetan parte hartzeko aukera izango dute Euskal Selekzioko kideek.
Iñaki Uribe-Etxebarria hautatzailea, ez da Japonian izango, baina bere balorazioa ere egin du mendi lasterketetako Euskal Selekzioaren inguruan: "Euskal Selekzioak, azken urteetan bezala, mendi lasterketetako Munduko Kopan parte hartuko du, munduan barrena hainbat lasterketa ezberdinetan lehiatuz. Aurreko urte batzuetan, taldeak punta-puntako emaitzak lortu izan ditu, hainbat korrikalarik podiuma zapaltzeraino, eta bukaerako sailkapenean ere goiko postuetan sailkaturik. Aurtengo gure erronka nagusia ere hau izango da, sailkapen orokorrean ahal den eta posturik onena lortzea". Munduko Kopan Euskal Selekzioaren izenean arituko direnen zerrenda ere aipatu du Uribe-Etxebarriak: "Oihana Azkorbebeitia, Ander Iñarra, Hassan Ait Chaou, Mayi Mujika, Maria Zorroza, Julen Martinez de Estibariz, Iban Letamendi, eta Nahia Quincoces izango dira. Guztiak ere aldez aurretik Munduko Kopan ibilitakoak dira eta aurten ere seguru emaitza bikainak jasoko ditugula".
Zure interesekoa izan daiteke
Ander Minteguik bigarren postua lortu du Santa Caterinako Europako Koparen Supererraldoi proban
“Oso pozik nago. Nere lehenengo ‘top 10’, ‘Top 5’ eta Europako Kopako podioa da, eta denboraldia horrela hasteak geratzen den denboran jarraitzeko aunitz laguntzen dit”, esan du Minteguik; hori Felix Hacker irabazletik 32 ehunenetara geratu da.
Lando Norris, 1 Formulako munduko txapelduna
Pilotu britainiarrak 1 Formulako Munduko Txapelketa irabazi du Abu Dhabiko Sari Nagusian hirugarren amaituta, Verstappen eta Piastriren atzetik.
Joyciline Jepkosgei eta John Korir kenyarrak, Valentziako Maratoiko irabazleak
Joyciline Jepkosgei kenyarrak irabazi du Valentziako Maratoiaren 45. edizioa, urteko munduko markarik onena eginda: 02:14:00. Gizonezkoetan, berriz, John Korir kenyarra gailendu da, nagusitasunez, 02:02:24ko denbora eginda.
Dupont eta Roseyro nagusitu dira Punta Galean
Punta Galeako olatu erraldoien txapelketak ez du huts egin. Hiru urteko etenaldiaren ondoren, surf gogoa zegoen eta ikuskizunak merezi izan du. Clement Roseyro eta Justine Dupont izan dira 2025eko Punta Galea Big Wave Challengeko irabazleak.
Ariane Toro Soler judokak brontzea lortu du Tokioko Grand Slamean 52 kiloz azpiko kategorian
22 urteko nafarra Kisumi Omori japoniarrari gaildendu zaio bigarren aukerako finalean.
Edurne Pasaban: "Gaur egun ere, ezin dut bizi mendia gabe"
Edurne Pasaban alpinista ohia izan dugu EITBn. Bere ibilbideko istorioak kontatzen dituen komikia argitaratuko da, Mendi Film Festivalean, eta bertan ikusi eta ezagutu ahalko dugunaz aritu gara berarekin.
San Mamesek errugbiko Champions Cup eta Challenge Cup finalak hartuko ditu berriro maiatzaren 22an eta 23an
Asteburu honetan bi txapelketak hasteko ordu gutxi falta direnean, 24.000 sarrera bikoitz baino gehiago saldu dira, salgai jarriko direnen % 50 baino gehiago.
Punta Galea Challenge lehiaketa larunbatean egingo dute Getxon 6 metroko olatuekin
Espero diren baldintzek espezialitateko Europako lehiaketarik zaharrena berriro egitea ahalbidetuko dute, hiru urteko geldialdi baten ondoren. Berritasun nagusia emakumezko surflariek lehen aldiz parte hartzea izango da.
Egoitz Bijueska, munduko onenen artean dabilen skater bilbotarra
Egoitz Bijueska 15 urteko skater bilbotarra da. Munduko rankinean bigarren postuan dago oraintxe, maila horretara iritsi den lehen euskalduna.
Futbol Amerikar gaua San Mamesen
San Mamesek ateak zabaldu ditu, baina oraingoan NFLko bi partiduak ikusteko. Futbol Amerikarreko 400 zale gerturatu dira bertara eta goizeko ordu txikietararte izango dira bertan.