Santamariak eta Skevinek irabazi dute Gasteizko Triatloia
Alejandro Santamariak eta Sonja Sekevinek irabazi dute Gasteizko Triatloia, Xabier Torrades eta Raul Tejadari, eta Vanessa Pereira eta Ruth Britori gailenduta, hurrenez hurren.
Arabako hiriburuak proba honen 12. edizioa hartu du, eta 2.600 atleta aritu dira aurten bertan. Publiko asko hurbildu da lasterketa ikustera. Tenperaturak proba gogortu du azken zatian.
Lasterketa Arabako errepideetan, Uribarri Ganboako urtegian eta hiriburuko kaleetan zehar egin dute. Gasteizen lau itzuli eman diote 10 kilometroko zirkuitu bati, publikoaren aupada artean.
Santamaria (41 urte) lehen postuan helmugaratu da berriro (2014an irabazi egin zuen, eta 2015ean eta 2016an bigarren egin zuen), 08:17:05ko denborarekin. Landako urtegian 3,8 kilometro egin dituzte igerian, hasteko, eta, ondoren, 180 kilometro egin dituzte bizikletan, Arabako errepideetatik, eta 42 korrika, Gasteizko kaleetan barrena.
Madrildarrari gehien kostatu zaiona igeriketa izan da. 61. postuan bukatu du, baina gero egoera irauli du, bizikletan hartutako abiadurari esker, eta bosgarren tokira heldu da.
Gasteizko kaleetan, erritmo bikaina hartu du, lasterketa buruan jarri da 17. kilometroan, eta lehen postuan eutsi dio helmugaraino.
Xavier Torrades katalanak eta Raul Tejada guatemalarrak osatu dute podiuma, eta hiru minutuko tartean sartu dira.
Berdintasuna emakumezkoen artean
Julia Mai iazko irabazleak lasterketa utzi ondoren, emakumezkoen kategorian ere emozioa izan da nagusi. Sonja Skevin kroaziarra izan da, 09:29:04ko denborarekin.
Skevin bigarrena izan da igeriketan. Emma Deary iritsi da aurretik, baina britainiarrak ezin izan dio erritmoari eutsi maratoian.
Atleten arteko berdintasuna izan da gakoa. Hiru minutuko tartean mugitu dira aurrekoak, lehia etengabean, eta 25. kilometroan hartu du burua Skevinek.
Vanessa Pereira portugaldarrak bigarren egin du, uretatik 13. postuan irten den arren, batez ere bizikletan egindako lanari esker.
Gertu ibili da Gasteizen bizi den Ruth Brito kanariarra.
Distantzia erdian
Distantzia erdian, George Goodwin britainiarrak (03:53:18) eta Judith Corachan katalanak (04:23:53) irabazi dute.
Zure interesekoa izan daiteke
Oier Ibarretxe boxeolariak, Parisen olinpikoa bera, Bilbon eginen du debuta profesional mailan
Oier Ibarretxek, 2024ko Parisko Jokoetan olinpikoa eta amateur mailan sei aldiz Espainako txapelduna bera, hurrengo martxoaren 14an eginen du debuta profesional mailan, Bilboko Casilla pabilioian, Bassam Laaoula alacantarraren aurka (1-0-1).
Oier Ibarretxe boxeolariak debut profesionala egingo du martxoaren 14an
Basque Teameko Oier Ibarretxe boxeolariak debuta egingo du profesional gisa, datorren martxoaren 14an, Casilla pabiloian. Hori dela eta, Galdakaoko kirolariak prentsaurrekoa egin du San Mamesen, xehetasunak emateko. Jon Fernandez izango da kartelburua, Somay Bilalen aurkako borrokan. Horiez gain, Jokin Garcia eta Gianluca Ceglia ere Bilbon izango dira; Ibarretxek, berriz, Bassam Laaoula izango du aurkari debutean.
MotoGPk lehen hiri-lasterketa egingo du 2027an, Adelaiden
Datorren urtetik aurrera, Australiako Sari Nagusia Adelaiden egingo da, ez Phillip Islanden. Lasterketa horrela egiteko akordioa gutxienez 2032ra arte egonen da indarrean.
Arrieta Rodriguez donostiarra 33. sailkatu da bere debut olinpikoan
Gipuzkoarrak 01:46.83ko marka egin du, bi jaitsierak pilatuta, Mikaela Shiffrin txapeldun olinpikoa (01:39.10) 00:07.73ra duela. Camille Rast suitzarrak (01:40.60) eta Anna Swenn Larsson suediarrak (01:40.81) osatu dute podiuma.
Kataluniako zirkuituak 2032raino luzatu du kontratua, eta bi urterik behin lasterketak hartuko ditu
1 Formulak 2026, 2028, 2030 eta 2032 urteetarako dauzka lasterketak aurreikusita Bartzelonan, Spa-Francorchamps zirkuituarekin aldizkatuko duen egutegian.
Klaebok historia egin du Neguko Jokoetan, bederatzigarren urre olinpikoa eskuratuta
29 urteko norvegiarra orain arte urrezko domina gehien lortu dituen kirolaria da, Bjorn Daehlieri, Marit Bjorgeni eta Ole Einar Bjornersi aurrea hartu baitie.
Anthony Kimek irabazi du Adelaideko LIV Golf txapelketa, ezustean, eta Jon Rahm bigarren sailkatu da
Golf jokalari estatubatuarra hamabi urtez izan zen goreneko mailatik kanpo. Adelaiden, txapelketako azken jardunaldian, Rahm eta Bryson DeChambeau menderatu ditu, hirugarren egunaren amaieran bi horiek lehen postuan izan arren, Kim atzetik segika 5 kolpera zutela.
Carlota Ciganda laugarren izan da Riaden, denboraldiko lehen txapelketan
7. zuloko bogey bikoitzak nafarrak garaipena lortzeko aukerak zapuztu ditu, eta sei birdie pilatu ditu 3, 6, 9, 15, 16 eta 17. zuloetan.
Salsamendik agur esan die Olinpiar Jokoei Klaebok urrea irabazi duen proban
Brasilekin lehiatu duen eskiatzaile nafarrak 97. postuan bukatu du estilo libreko iraupen-eskiko proba, hamar kilometroko distantzian.
Eguibarrek eta Romerok ez dute final-laurdenetako eta final-zortzirenetako langa gainditu, hurrenez hurren
Romerok azpimarratu du "pozik" dagoela egindako jaitsierarekin, baina "ez emaitzarekin". Bere aldetik, Eguibarrek erorikoa izan du, aurkarietako batek bidea itxi ondoren. "Badakit horrelakoak gerta daitezkeela, baina berak jakin behar du hori ezin dela egin", esan du donostiarrak haserre.