Cardiff Blues Challenge Cupeko txapeldun, markagailua iraulita (31-30)
Galeseko Cardiff Blues taldeak bereganatu du 2018ko Challenge Cup txapelketa (errugbi arloan Europan jokatzen den bigarren lehiaketa garrantzitsuena) Gloucester Rugby talde ingelesari 31-30 irabazi ostean, San Mames zelaian, 25.000 ikusle ingururen aurrean.
Cardiffek 14 puntuko kontrako aldea zeukan markagailuan (6-20) jokalariak atsedenaldira joan direnean, baina bigarren aldean erabat indarberrituta zelairatu dira, eta lehiako azken minutuan Gareth Anscombek gauzatu duen zigor-kolpe bati esker txapeldun izatea lortu dute.
Anscombe partidako 'gaizkile' izatetik (76. minutuan kale egin du Blaine Scullyk lortutako entseguaren ostikoa gauzatzeko ahaleginean), heroia izatera igaro da, ostiko erabakigarria zutoinen artean jarri baitu azken unean.
Gaurko finala eskuratu ostean, txapelketa horretan lortzen duten bigarren garaipena erdietsi dute galestarrek, 2010ean lortutakoaren atzetik.
Larunbat honetan, 17:45ean, Champions Cupeko finala jokatuko da San Mamesen, Irlandako Leinster eta Frantziako Racing 92 taldeen artean.
Fitxa teknikoa:
Hamabostekoak:
Gloucester 30: 15. Woodward; 14. Marshall, 13. Twelvetrees, 12. Atkinson, 11. Trinder; 10. Burns, 9. Braley; 1. Hohneck, 2. Hanson, 3. Afoa, 4. Slater, 5. Galarza, 6. Polledri, 7. Ludlow, 8. Ackermann.
Jokatu duten beste jokalariak: Motu Matu'u, Val Rapava Ruskin, Fraser Balmain, Jeremy Thrush, Ben Morgan, Ben Vellacott, Andy Symons eta Tom Hudson.
Cardiff Blues 31: 15. Anscombe; 14. Lane, 13. Lee-Lo, 12. Halaholo, 11. Scully; 10. Evans, 9. Tomos Williams; 1. Gill, 2. Dacey, 3. Filise, 4. Davies, 5. Turnbull, 6. Navidi, 7. Jenkins, 8. Nick Williams.
Jokatu duten beste jokalariak: Kirby Myhill, Brad Thyer, Scott Andrews, Damian Welch, Olly Robinson, Lloyd Williams, Garyn Smith eta Matthew Morgan.
Markagailua: 0-3, 4. min: Evansen zigor-kolpea. 7-3, 10. min: Trinderren entsegua, Twelvetreesek gauzatu du ostikoa. 7-6, 16. min, golpe de Evansen zigor-kolpea. 10-6, 27. min: Twelvetressen zigor-kolpea. 38. min, 17-6: Atkinsonen entsegua, Twelvetreesek gauzatu du ostikoa. 20-6, Twelvetressen zigor-kolpea. 20-13, 41. min: Tomos Williamsen entsegua, Evansek gauzatu du ostikoa. 20-16, 51. min: Evansen zigor-kolpea. 20-23, 55. min: Smithen entsegua, Evansek gauzatu du ostikoa. 27-23: Marshallen entsegua, Twelvetreesek gauzatu du ostikoa. 30-23, 63. min: Twelvetressen zigor-kolpea. 30-28, 76. min: Scullyren entsegua. 30-31: 79. min: Asncomberen zigor-kolpea.
Epaileak: Jerome Garces (Frantzia). Txartel horia atera dio Ruan Ackermann (Gloucester) aurrelariari 73 minutuan.
Zure interesekoa izan daiteke
Justin Rosek DP World Tourrean dauzkan zorrak ordaintzea eskatu dio Jon Rahmi: “Ryder Kopa dirua baino gehiago da”
Justin Rose golf jokalari britainiarrak, munduko sailkapeneko bosgarrena bera, DP World Tourrek ezarritako zorrak ordaintzea eskatu dio Jon Rahmi, hurrengo Ryder Kopan jokatu ahal izateko helburuarekin; txapelketa hori “diru kontua baino gehiago da”, ziurtatu du.
Mikel Linazisoro etxera itzuli ondoren: "Bergarak dena ematen dit, etxean sentitzeak bete egiten nau"
Medikuntzako ikasketak amaitu eta eskaladaren aldeko erabateko apustua egin zuen. San Cugateko errendimendu altuko zentroan izan zen, sasoiz ederto, baina buruz ez hainbeste. Etxera itzuli eta gutxira Baltzolan Iñi Ameriketan 9a+ mailako bide ezaguna kateatu du.
"Laetitia”, Leti Canalesi buruzko dokumentala, Surf Film Festivalen
Leti Canales Euskal Herriko surflari handienetakoa da, eta dagoeneko badu dokumentala: “Laetitia”. Sopelako surflaria “oso pozik" dago "bere filma hemen, etxean, jartzeko aukera izateagatik”.
Bilbao Surf Film Festivalen 11. edizioa aurkeztu da
Martxoaren 18tik 22ra bitartean egingo da eta aurten lau egoitza ofizial izango ditu, bina Getxon eta Bilbon. 60 filmetik gora ikusi izango dira ikusgai; tartean, Laetitia.
Higinio Rivero ez da sailkatu iraupen-eskiko esprinteko finalerdietarako, baina historia egin du
Iraupen-eskian lehiatuta, barakaldarra, 43 urtekoa bera, hiru kiroletan aritu da Joko Paralinpikoetan; Estatuan, ez du hori beste inork egin. Riverok, asteartean, hogeita laugarren postua eskuratu du.
Argazki-galeria: Egoitz Bijueska, park modalitateko munduko txapelduna
Egoitz Bijueska skater bilbotarra izan da nagusi Sao Paulon jokatutako Munduko Skate Txapelketetan. Kalani Konig brasildarra geratu da bigarren, eta Tom Schaar estatubatuarraren, hirugarren.
Egoitz Bijueska, park modalitateko munduko txapelduna 15 urterekin
Bilbotarrak urrea eskuratu du 95.83ko puntuazioarekin, Kalani Konig brasildarraren (zilarra) eta Tom Schaar estatubatuarraren (brontzea) aurretik.
Egoitz Bijueska, park modalitateko finalera!
Naia Lasok, aldiz, 15. postuan bukatu du lehia finalerdietan, eta finaletik kanpo geratu da.
Higinio Riverok historia egin du Milango Neguko Paralinpiar Jokoetan
Espainiarekin biatloi egokituan parte hartu duen lehen kirolaria izan da.
Rahmek titulurik gabeko urte eta erdiko lehorteari amaiera eman dio Hong Kongeko LIV txapelketa irabazita
Barrikako golf jokalariak 2024ko irailean irabazi zuen azken txapelketa, Chicagon.