Chourraut: 'Amets bat eduki eta egia bihurtzeak guztiz betetzen zaitu'
Maialen Chourraut txapeldun olinpikoak prentsaurrekoa eman du Donostian asteartean. Urrezko domina lortu du Rioko Olinpiar Jokoetan piraguismoan, ur bizietako eslalom proban (K-1), eta han bizitakoaren inguruan hitz egin du.
"Amets bat eduki eta egia bihurtzen dela ikusteak guztiz betetzen zaitu. Oso pozik nago txapeldun olinpikoa izatea lortu dudalako", adierazi du Maialen Chourrautek. Kirolari gipuzkoarrak kontatu duenez, "egunero Rio 2016ko edalontzi batekin gosaltzen nuen markatuta neukan helburua zein zen ez ahazteko". Olinpiar Jokoetako finalean egindako jaitsiera ikusi duela aitortu du, baina normalean ez zaiola ikustea gustatzen: "Jaisten ari nintzenean ez nuen azkar noala igarri, baina telebistan ikusi ostean nahiko azkar joan nintzela baieztatu ahal izan nuen".
Chourrautek adierazi du harritu egin duela horrenbeste jende berak lortutako garaipenagatik poztu dela ikusteak: "Harrigarria iruditzen zait horrenbeste jende poztu izana. Bero eta babes handia sentitu dut, eta pozten nauen arren, zerbait estutzen nau". Ama izatea eta eliteko kirolean lehiatzearen inguruan, "ez da erraza", esan du Maialenek, baina harro sentitzen dela ere gaineratu du: "Ama izatea eta eliteko kirolak eskatzen duen entrenamendu-maila mantentzea ez da erraza. Urte honetara arte ez naiz indartsu sentitu. Gaur egungo politikekin oso zaila da familiako bizitza eta eliteko kirola aldi berean eraman ahal izatea, baina lortu egin dut, eta oso harro nago".
Etorkizunari begira, "hanbat helburu ditut, baina orain urrezko dominaz gozatzeko unea da", aitortu du Chourrautek. Paueko munduko txapelketa (2017), Riokoa (2018), Seu d'Urgellekoa (2019) eta Tokioko Olinpiar Jokoak (2020) ditu jomugan.
Azkenik, urrezko domina lortzen lagundu dion jende guztiari eskerrak eman dizkio Maialen Chourrautek: "Domina honen atzean jende asko dago, nire familia batik bat, eta eskerrak eman nahi dizkiet".
Zure interesekoa izan daiteke
Ander Minteguik bigarren postua lortu du Santa Caterinako Europako Koparen Supererraldoi proban
“Oso pozik nago. Nere lehenengo ‘top 10’, ‘Top 5’ eta Europako Kopako podioa da, eta denboraldia horrela hasteak geratzen den denboran jarraitzeko aunitz laguntzen dit”, esan du Minteguik; hori Felix Hacker irabazletik 32 ehunenetara geratu da.
Lando Norris, 1 Formulako munduko txapelduna
Pilotu britainiarrak 1 Formulako Munduko Txapelketa irabazi du Abu Dhabiko Sari Nagusian hirugarren amaituta, Verstappen eta Piastriren atzetik.
Joyciline Jepkosgei eta John Korir kenyarrak, Valentziako Maratoiko irabazleak
Joyciline Jepkosgei kenyarrak irabazi du Valentziako Maratoiaren 45. edizioa, urteko munduko markarik onena eginda: 02:14:00. Gizonezkoetan, berriz, John Korir kenyarra gailendu da, nagusitasunez, 02:02:24ko denbora eginda.
Dupont eta Roseyro nagusitu dira Punta Galean
Punta Galeako olatu erraldoien txapelketak ez du huts egin. Hiru urteko etenaldiaren ondoren, surf gogoa zegoen eta ikuskizunak merezi izan du. Clement Roseyro eta Justine Dupont izan dira 2025eko Punta Galea Big Wave Challengeko irabazleak.
Ariane Toro Soler judokak brontzea lortu du Tokioko Grand Slamean 52 kiloz azpiko kategorian
22 urteko nafarra Kisumi Omori japoniarrari gaildendu zaio bigarren aukerako finalean.
Edurne Pasaban: "Gaur egun ere, ezin dut bizi mendia gabe"
Edurne Pasaban alpinista ohia izan dugu EITBn. Bere ibilbideko istorioak kontatzen dituen komikia argitaratuko da, Mendi Film Festivalean, eta bertan ikusi eta ezagutu ahalko dugunaz aritu gara berarekin.
San Mamesek errugbiko Champions Cup eta Challenge Cup finalak hartuko ditu berriro maiatzaren 22an eta 23an
Asteburu honetan bi txapelketak hasteko ordu gutxi falta direnean, 24.000 sarrera bikoitz baino gehiago saldu dira, salgai jarriko direnen % 50 baino gehiago.
Punta Galea Challenge lehiaketa larunbatean egingo dute Getxon 6 metroko olatuekin
Espero diren baldintzek espezialitateko Europako lehiaketarik zaharrena berriro egitea ahalbidetuko dute, hiru urteko geldialdi baten ondoren. Berritasun nagusia emakumezko surflariek lehen aldiz parte hartzea izango da.
Egoitz Bijueska, munduko onenen artean dabilen skater bilbotarra
Egoitz Bijueska 15 urteko skater bilbotarra da. Munduko rankinean bigarren postuan dago oraintxe, maila horretara iritsi den lehen euskalduna.
Futbol Amerikar gaua San Mamesen
San Mamesek ateak zabaldu ditu, baina oraingoan NFLko bi partiduak ikusteko. Futbol Amerikarreko 400 zale gerturatu dira bertara eta goizeko ordu txikietararte izango dira bertan.