Herri-kirolak

Gari Garmendiak lehen txapela eskuratu berri du, Harri Handien Euskal Herriko Txapelketan. Gozatu gabeko lehen txapel handia izan da Garmendiak adierazi duenez.

Harri-jasotzaile idiazabaldarrak bere lehen txapela lortu du, guztira 7.100 kilo altxatuta. "Azkenengo astean oso gaizki pasa dut mentalki", azaldu du txapeldun berriak. "Fisikoki oso ongi etorri naiz prestatuta, baina azkenengo astean dena erori zait, ez dakit zer gertatu zaidan, gaur ez dut batere gozatu", erantsi du.

"Azkeneko bi asteak oso luzeak egin zaizkit", aitortu du Iturengo harri-jasotzaileak balentria lortu ondoren. "Oso gaizki pasatu dut etxean, buruari bueltaka; azkenaurreko entrenamenduan hiru saiakera egin eta batean ere ez nuen altxatu", azpimarratu du.

Larunbatean Euskal Timberren finalak Euskal Herriko aizkolari trebeena zein den erabakiko du. Finalean, besteak beste Xabier Zaldua eta haren semea Jon izango dira lehian. Txapelketa kirolakeitb.eus-en eta ETB1en ikusi ahalko da.

Hamasei aizkolarik izango dute jokoan txapela, Euskal Herrian aurrenekoz egiten ari den espezialitate honetan. EITBk emitituko du lehia, eitb.eus-en eta ETB1en bidez, 23:00etatik aurrera. 

Lehia estua izan da Kirol Herri Ligako laugarren jardunaldian, orain arteko saiorik lehiatuena. Julen Alberdik, Jon Gisasolak, Uxue Ansorregik eta Patricia Martinek osatutako taldeak, B taldeak, lortu du garaipena eta, ondorioz, bigarren postua.

Pasa den larunbatean Andoni Iruretagoiena Izeta VI.enak erronka bota zuen ETBko kameren aurrean. Aurkariaren zain egon da baina inork ez du Izeta VI.aren erronka onartu.

Hirugarren jardunaldian, astelehenean, Alegian, Osa, "Urra" Astondoa eta Larrañaga kirolariek osatutako taldea baino gehiago izan dira; azken horiek puntu bat eskuratu dute. Sailkapenean, irabazleek 18 puntu dituzte, dagoeneko.

Andoni Iruretagoiena “Izeta VI.a"k erronka bota du EITBko kameren aurrean: 50 aldiz 100 kiloko bola jaso, 10 kanaerdiko moztu eta 5 km korrika. Azpeitiko zezen plazan izango da, martxo bukaeran edo apiril hasieran. Ostegunean, 19:00etan, Izeta Sagardotegian egongo da aurkarien zain.

Ikusgarria bezain gorabeheratsua izan da "Kirol Herri"ko bigarren jardunaldia. Banakako lanean 3 eta 1 aurreratu da Larrañagak, Pikabeak,  Lopetetgik eta Osak osatutako taldea. Binakakoan, Lopategik eta Osak eraman dituzte bi puntuak.  Aizkoran, ordea, Alberdi eta Ansorregi bi puntura jarri dira. 

Neguko "Harri Herri" saioko bigarren jardunaldian, Jokin Eizmendik Xabat Olaizolaren marka berdindu du. Beñat Telleriak eta Gorka Etxeberriak 9na jaso dute, eta sailkapenean hirugarren eta laugarren jarri dira. Emakumezkoetan Lierni Osak egin du markarik onena, 13 jasoaldi, Maddi Gesalagak baino bat gutxiago. Bestalde, Ane Atxutegi (9) eta Ane Cestau (8) nekez sartuko dira zortzi onenen artean.

Paulo Azpiazuk harri-jasotzea uztea erabaki berri du, lesioak eta bere bizitzako beste eginbehar batzuk tarteko. Harria alde batera uztearen arrazoiez eta bere ibilbideaz jardun gara berarekin.

Bergaran jaio, baina zazpi urte zituenetik Estellerrian bizi den harri-jasotzaileak aitortu duenez, "ez daramat harria odolean, horretan soilik % 100ean aritzeko". "Neureari gehiago denbora eskaini nahi diot", erantsi du.