Harri-jasotzea oinarri duen "Harri Herri" txapelketaren bigarren edizioa, apirilaren 15etik aurrera, EITBn
"Harri Herri" herri kirol programa berritzailearen bigarren edizioa estreinatuko du EITBk apirilaren 15ean. Oraingoan ere, eta ETB1en eta eitb.eus-en eskainiko da harri jasotzea oinarri duen txapelketa astelehen gauetan, 22:30ean.
Martxoaren 7an aurkeztu zuten saioa EITBk Usurbilgo Saizar sagardotegian. Ekitaldian izan ziren Joseba Urkiola EITB Mediako Kiroletako zuzendaria, Izeta II, Zelai II eta Joseba Ostolaza entrenatzaileak eta Udane Ostolaza, Lierni Osa eta Karmele Gisasola emakume harri-jasotzaileak. Horrez gain, han izan ziren ere Luis Mari Bengoa Egur Sport enpresako arduraduna, eta Napo Lertxundi, txapelketako babesleetako bat den Saizar sagardotegiaren izenean.
Aurrekoan bezala, Juanan Legorburu eta Ane Muruamendiaraz kazetariak eta Iñaki Perurena harri-jasotzaile ohia arituko dira aurkezle lanetan; baina, oraingoan, laugarren kide ere izango dute alboan: Idoia Etxeberria harri-jasotzailea.
Aurten, 32 harri-jasotzailek hartuko dute bertan parte, 16 gizonezkok eta 16 emakumezkok; eta launa taldetan lehiatuko dira, lau gizonezkoetan eta lau emakumezkoetan. Talde bakoitzak talde-buru edo kapitain bana izango du: Luis Mari Telleria, Izeta II, Joseba Ostolaza eta Zelai II.
Asteasuko frontoian grabatu dira lehen bi finalerdiak eta finala ere. Publikoak bertan egoteko aukera izan zuen.
Harri-jasotzaileak, taldeak eta kapitainak
Zortzi talde izango dira guztira, eta talde bakoitzak harri baldar baten izena izango du: Albizuri, Igeldo, Etxauri, Laukariz, Mollarri, Ibiur, Ergobia eta Ulia.
GIZONEZKOEN TALDEAK
Taldeburua: Zelai II
Harri-jasotzaileak:
-Jon Unanue Goenatxo: 200 kiloko errektangularra
-Xabat Olaizola: 125 kiloko kubikoa
-Alex Merlo: 125 kiloko zilindro zaharra
-Jagoba Otaegi: 100 kiloko bola
____________
Taldeburua: Luis Mari Telleria
Harri-jasotzaileak:
-Gari Garmendia: 200 kiloko errektangularra
-Beñat Telleria: 125 kiloko kubikoa
-Iraitz Arruti Burni txiki: 125 kiloko zilindro zaharra
-Inhar Urruzuno: 100 kiloko bola
____________
Taldeburua: Izeta II
Harri-jasotzaileak:
-Aimar Galarraga: 200 kiloko errektangularra
-Hodei Iruretagoiena Izeta IV: 125 kiloko kubikoa
-Mikel Lopetegi Urra: 125 kiloko zilindro zaharra
-Ander Larrucea: 100 kiloko bola
____________
Taldeburua: Joseba Ostolaza
Harri-jasotzaileak:
-Julen Diaz: 200 kiloko errektangularra
-Imanol Roto Lartain: 125 kiloko kubikoa
-Xiker Larrea: 125 kiloko zilindro zaharra
-Andoni Iruretagoiena Izeta VI: 100 kiloko bola
____________
EMAKUMEZKOEN TALDEAK
Taldeburua: Zelai II
Harri-jasotzaileak:
-Eider Garcia Durana: 100 kiloko errektangularra
-Karmele Gisasola: 62,5 kiloko kubikoa
-Sara Jimenez: 62,5 kiloko zilindro zaharra
-Itxasne Apraiz: 50 kiloko bola
____________
Taldeburua: Izeta II
Harri-jasotzaileak:
-Maddi Gesala: 100 kiloko errektangularra
-Ainitze Zumeta: 62,5 kiloko kubikoa
-Garazi Ansa: 62,5 kiloko zilindro zaharra
-Nerea Arruti: 50 kiloko bola
____________
Taldeburua: Luis Mari Telleria
Harri-jasotzaileak:
-Aroa Sanchez: 100 kiloko errektangularra
-Lierni Osa: 62,5 kiloko kubikoa
-Naroa Arruti: 62,5 kiloko zilindro zaharra
-Estefania Etxebeste: 50 kiloko bola
____________
Taldeburua: Joseba Ostolaza
Harri-jasotzaileak:
-Olaia Esnaola: 100 kiloko errektangularra
-Goizeder Abendibar: 62,5 kiloko kubikoa
-Ane Atxutegi: 62,5 kiloko zilindro zaharra
-Udane Ostolaza: 50 kiloko bola
Harriak eta dinamika
Harri jasotzaile bakoitzak harri bakarrarekin lan egingo du eta denbora jakin bat izango du horretarako. Gizonezkoen harriak honako hauek dira: 200 kiloko errektangularra, 125 kiloko kubikoa, 125 kiloko zilindro zaharra eta 100 kiloko bola. Emakumezkoen harriak, berriz, hauek: 100 kiloko errektangularra, 62,5 kiloko kubikoa, 62,5 kiloko zilindro zaharra, eta 50 kiloko bola. Txandaka lehiatuko dira harri bakoitzarekin eta denbora tarte jakin bat izango dute lau harriekin lanean aritzeko. Jasoaldi bakoitza denborarekin sarituko da; hartara, talde bakoitzak denbora-altxorra lortuko du.
Zertarako denbora-altxor hori? Saio bakoitzean final moduko bat jokatuko dute harri berezi batekin: txapelketa honetarako espreski aurkitutako harri baldar zail bat. Harri hori aurretik ikusi gabea izango dute, eta talde bakoitzak aurretik irabazi duen denbora-altxorra izango du harri baldarra jasotzen saiatzeko.
Lehen edizioan, Ergobia eta Etxauri taldeek eskuratu zuten txapela, final estuak jokatuta.
Zure interesekoa izan daiteke
Ainitze Zumeta: “Gelditu beharrean jarraitu egin nuen eta harria jaso ezinda geratu naiz”
Ainitze Zumetak harri-jasotzea utziko zuela iragarri zuen bere sare sozialetan. 2024an lesionatu eta ordutik bizkarreko minez aritu da lehiatzen, gorputzak gelditzeko esan dion arte. Orain, ondo osatzea da bere helburu nagusia.
Iker Vicentek seigarrenez irabazi du Urrezko Kopa
Iker Vicente nafarrak seigarrenez irabazi du Urrezko Kopa, Donostiako Trinitate plazan. Otsagabikoak 31 minutu eta 47 segundoan amaitu du lana. Txikia IV.a izan da bigarren, minutu batera, eta Larrañaga sailkatu da hirugarren, 2 minutu eta 12 segundora.
Mikel Lopetegi “Urra” eta Maddi Gesalaga nagusi Igeldoko harriarekin eta Uliakoarekin
Harri-jasotzaileen urteroko zita garrantzitsua izan dugu Donostiako Trinitate Plazan: Uliako Harria eta Igeldoko Harria txapelketak. Gizonezkoetan, Mikel Lopetegi Urra izan da garaile, iaz bezala, Igeldoko harriari 18 jasoaldi emanda. Emakumezkoetan, iazko garaileak (Ainitze Zumeta) ez du parte hartu, eta Maddi Gesalaga nagusitu da, Uliako harria 22 aldiz jasota.
Goiherri eta Gaztedi nagusi, Euskal Herriko sokatira txapelketan
Emakumezkoen 500 kiloko mailan, Goiherrik irabazi du Laukizen jokatutako Euskal Herriko sokatira txapelketa; gizonezkoetan, berriz, Gaztedik irabazi du, 560 kiloko mailan.
Urtebeteren ondoren, bueltan da Euskal Pentatloia
Urtebeteko geldialdia pasata, bueltan da Euskal Pentatloia. Aurtengoan, 14 kirolari lehiatuko dira elkarren artean. Kanporaketa larunbatean jokatuko da Villabonako herriko plazan.
Txikia IV.ak jantzi du Euskal Duatloiko txapela Tolosan
Tolosako zezen-plazan Euskal Duatloiaren finala jokatu da, eta Julen Alberdi Txikia IV.a nagusitu da, 22:44ko denborarekin, iazko marka hobetuz. Ibai Soroa izan da bigarren, 25:20ko denborarekin, eta Xabier Zaldua hirugarren, 27:08ko markarekin.
Faborito argirik gabeko Euskal Duatloiaren finala, igandean, Tolosako zezen-plazan
11 kirolari, besteak beste, iazko txapelduna, Julen Alberdi, Xabier Zaldua, Eneko Saralegi eta Ibai Soroa, lehiatuko dira aizkora eta korrika uztartzen dituen modalitate honetan. Ikuskizuna zuzenean emango dute ETB1ek eta kirolakeitb.eus-ek, 17:30ean hasita.
Euskal Duatloiaren bigarren finalerdia, asteburuan, Zumarragan
13 kirolari izango dira lehian, baina bakarrik hiruk lortuko dute ekainaren 7an Tolosan jokatuko den finalerako txartela. Pasa den astean, Eloy Kortxerok, Julen Kañamaresek eta Oier Mitxelenak lortu zuten aurrera egitea Berastegin jokatutako lehen finalerdian.
Euskal Duatloiaren finalerdiak hasiko dira asteburuan Berastegin
Euskal Duatloiaren lehen finalerdia jokatuko da asteburu honetan. Larunbatean, Berastegiko eskola atarian arratsaldeko bostetan. Bigarrena, Maiatzaren 23an Zumarragako Euskadi Plazan. Finala ekainaren 7an jokatuko da, Tolosan.
Albizuri aise nagusitu zen gizonezkoen “Harri Herri” finalean
Albizuri taldeak irabazi zuen Harri Herri saioko gizonezkoen finala, Etxauriko harri-jasotzaileak mendean hartuta. Harri baldarrari 28 jasoaldi egin zizkioten Oskar Aguasek, Jon Gisasolak, Mikel Lopetegik eta Xabier Aranburu Guztak.