Tsygankovek Realaren lehen zati ona baliogabetu du (1-2)
Tsygankov lehen gola sartzen. Argazkia: EFE
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan.
Txuri-urdinek intentsitate handia sartu diote jokoari lehen minututik, aurkariaren area etengabe erasoz. Kubok Realaren lehen aukera argia izan du area barruan Barreneren pase on bat jasota, baina jaurtiketa gora joan zaio.
Euskal taldearen nagusitasuna nabaria izan da, aurkariaren zelaian etengabe jokatuz. Hala ere, Gironak ere estu hartu ditu, Arnauk Remiro besoak luzatzera behartu duenean. Minutuek aurrera egin ahala, intentsitateak behera egin du, eta Realak estrategia aldatu du jokaldi landuekin erasotzeko.
35. minutuan, Zubeldiak desmarkatuta ikusi du Guedes, eta pase sakona eman dio bere zelaitik bertatik. Portugaldarrak area barrura eraman du baloia eta Gazzaniga gainditu du jaurtiketa indartsu batekin (1-0).
Bigarren zatian Gironak martxa bat gehiago sartu du eta erasora jo du, nahiz eta Realak atzean ondo eusten eta kontraerasora irteten jakin duen. Kosta egin zaie txuri-urdinei, aldaketak aldaketa, aurkariaren atea ez zutelako hain erraz aurkitzen.
Orduan, 76. minutuan, Tsygankovek markagailua berdindu du area barruan erdiraketa bikain bat jasota. Etxekoek “joko arriskutsua” eskatu dute baloia Zubeldiaren buruaren inguruan errematatzean, baina epaileak ontzat eman du gola (1-1).
Gola kolpe gogorra izan da Realarentzat, jada ez baitzegoen hain aktibo zelaian. Kataluniako taldeari, aldiz, animoak eman dizkio eta minutu gutxira aurretik jarri dira markagailuan. Tsygankovek takoiz sartu du bere bigarren gola taldeari garaipena emateko (1-2).
Hala, Realak porrot gogorra jaso du dena alde zuen partida batean, azkenean nahastu egin zaiona.
Zure interesekoa izan daiteke
Matarazzo, Osasunaren aurkako partidari buruz: "Fase guztietan fin jardun behar dugu "
Pellegrino Matarazzoren adierazpenak, Osasunaren aurkako Errege Kopako partidari buruz.
Sansek eta Albacetek balio gutxiko berdinketa lortu dute (0-0)
Txuri-urdinek Zubietan jokatutako lehen partidan, bi taldeek aukera ugari izan dituzte, baina inork ez du golik egiterik lortu.
Edna Imadek gol-festa batekin esan dio agur Realari (5-5)
Atletico Madrilen eta Realaren arteko partida erotzekoa izan da. 5-5 berdindu dute Alcala de Henaresen, eta txuri-urdinak seigarrena sartzeko zorian izan dira azken txanpan. Edna Imade aurrelari nigeriarrak 3 gol egin ditu bere agurreko partidan.
Jon Martin: "Ezin nuen sinistu berriz ere azken minutuetan berdinketa jasotzea"
Realeko jokalariak Getaferen aurka lortutako garaipenaz (1-2) hitz egin du, EA Sports Ligako 19. jardunaldian.
Realak bolada txarra moztu du Getaferen aurka (1-2)
Brais Mendezek sartu du lehen gola, eta Juanmik berdinketa jarri ondoren, Aramburuk buruz sartu du garaipenaren gola, bolada txarrari amaiera emanez.
Valentziak Sadiq fitxatu du 2028ra arte
Aurrelari nigeriarrak utzita jokatu zuen joan den denboraldiaren bigarren zatian.
Ainhoa Moraza, Atletico Madrilen aurkako neurketari buruz: "Partida polita da taldearentzat, baita niretzat berezia ere"
Ainhoa Moraza Realeko jokalariak bere taldekide ohien aurkako norgehiagoka "erronka" bezala ikusten du. Bestalde, Edna Imaderen hutsunea nabarituko dutela onartu du Morazak: "Faltan botako dugu".
Sansek Zubietan jokatuko ditu etxeko partidak, larunbat honetatik aurrera
Realaren bigarren taldeak denboraldi honetan Zubietan jokatuko duen lehenengo partida Albaceteren aurkakoa izanen da; 16:15ean hasiko da hori.
Matarazzo, Getaferen aurkako partidaz: "Oso kontzentratuta jokatu behar dugu"
Pellegrino Matarazzo Realaren entrenatzaileak taldeak Getaferen kontra jokatuko duen ligako partidaz hitz egin du. Argi dauka nola jokatu behar duen emaitza ona lortu ahal izateko.
Realak balio handiko puntua lortu du, irmo aritu den Atletico taldearen aurka (1-1)
Euskal taldeak kontrako golari aurre egin eta markagailua berdindu du Guedesen jokaldiari esker, EA Sports Ligako 18. jardunaldian.