Realak berdindu egin du Rayo Vallecanorekin (0-0) Anoetan
Realak berdindu egin du Rayorekin (0-0) Anoetan, larunbat honetan, EA Sports Ligako 22. jardunaldiko partida. Norgehiagoka parekatua izan da, eta talde bakoitzak puntu bat bereganatu du.
Lehen zatia parekatua izan da. Bi taldeak saiatu dira aurkariari min egiten, baina ez dute abagune argirik izan. Neurketako 28. minutuan, albiste txarra jaso du Realak; Zakharyanek min hartu du, ezin izan du jokatzen jarraitu, eta Brais Mendez zelairatu da haren ordez.
Atsedenaldira heldu aurretik, ordea, gola sartzeko pare bat aukera eduki du talde txuri-urdinak: 39. minutuan, Lejeunek saihestu du Sadiqen errematea, area txikitik baloia aldenduta, eta atsedenaldira iritsi aurretik, Dimitrievski atezainak gelditu egin du Zubimendiren errematea.
Bigarren zatiari erasokorrago ekin dio Realak, baina kosta egin zaio gola sartzeko aukerak sortzea. Rayo Vallecanok ere egin ditu saiakerak, Donostiako taldea gehiegi estutu gabe.
Norgehiagokako 82. minutuan, Realeko beste jokalari bat lesionatu da; Le Normandek zelaia utzi behar izan du, min hartuta. Olasagastik ordezkatu du. Azkeneraino saiatu dira garaipena bereganatzen Reala eta Rayo, baina, amaieran, 0-0eko emaitzarekin bukatu da neurketa.
Fitxa teknikoa:
0 - Reala: Remiro; Aramburu, Zubeldia (Urko, 62. min), Le Normand (Olasagasti, 83. min), Pacheco, Galan; Zubimendi, Turrientes, Zakharyan (Brais, 29. min); Sadiq (Oyarzabal, 62. min) eta Silva (Becker, 62. min).
0 - Rayo Vallecano: Dimitrievski; Balliu, Aridane, Lejeune, Espino; Isi (De Frutos, 71. min), Lopez, Valentin, Trejo (Nteka, 55. min), Chavarria; eta Camello (Perez, 71. min).
Epailea: Alejandro Jose Hernandez Hernandez. Txartel horia erakutsi die Galan (70. min) eta Pacheco (94. min) Realeko jokalariei, baita Trejo (7. min), Balliu (19. min), Lopez (57. min) eta Nteka (85. min) Rayo Vallecanoko futbolariei ere. Gainera, epaileak txartel horia atera dio Francisco Rodriguez Rayoko entrenatzaileari (23. min).
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.