Reala jaun eta jabe izan da Salzburgoren aurka (0-2)
Realak garaipen argia lortu du Salzburgoren aurka Red Bull Arena estadioan jokatutako Txapeldunen Ligako multzoen faseko 2. jardunaldiko partidan. Garaipen horri esker, eta lehenengo jardunaldian Inter Milanen aurka erdietsitako berdinketa kontuan izanda, txuri-urdinek lau puntu dituzte jada D multzoko sailkapenean.
Partida hasieratik, Reala jaun eta jabe izan da zelaian, eta ez die austriarrei aukerarik eman. Etxeko taldeak ez du Remiroren atera jaurtiketa bat bera ere egin.
Bi golak lehen zatian egin dituzte Imanol Alguacilen jokalariek. Lehenengoa Mikel Oyarzabal kapitainak egin du, 7. minutuan, ezkerrarekin, Alexander Schlager atezaina ezustean harrapatuta.
20 minutu geroago, eta tartean beste zenbait aukera izan ostean, Brais Mendezek egin du bigarrena, kontraerasoko jokaldi batean. Schlager ez da baloia gelditzeko gai izan.
Realak etengabe aurkitu ditu erasora jotzeko hutsuneak, eta Salzburgo ez da txuri-urdinak gelditzeko gai izan. Etxeko taldeak jokoa antolatzeko zailtasun handiak izan ditu, eta ez du Remiroren atearen inguruan arriskurik sortu. Gipuzkoako taldea nagusi izan da lehen zatian.
Atsedenaldiaren atarian, Mikel Oyarzabal hirugarrena sartzear izan da, baina gutxigatik ez da iritsi Barrenetxeak erdiratutako baloia errematatzera.
VARek bertan behera utzi du Realaren aurkako penaltia
Bigarren zatia hasi eta gutxira, epaileak penaltia adierazi du Realaren aurka, Remirok Salzburgoko aurrelari bati falta egin diola iritzita. VAR sistemaren bidez jokaldia berriro ikusi ostean, poloniarrak atzera egin du, eta Remirori ateratako txartel horia ere baliorik gabe utzi du.
Salzburgoko entrenatzaileak aldaketak egin ditu bere hamaikakoan, eta Austriako taldeak aurrera egin du, golaren bila. Hala ere, etxekoek arrisku gutxi sortu dute, eta gola egiteko aukera argi bakarra izan dute amaierarako 10 minuturen faltan. Hala ere, Simicen errematea kanpora joan da, gutxigatik.
Horrela, Realak bere lehen garaipena lortu du aurtengo Txapeldunen Ligan, eta irudi bikaina emanda gainera.
Txapeldunen Ligako hurrengo hitzordua hilaren 24an izango dute txuri-urdinek, 21:00etan, Lisboan, Benfica taldearen aurka.
Fitxa teknikoa:
0 - Salzburgo: Schlager; Dedic, Terzic, Pavlovic, Solet (Baidoo, 45. min); Gourna-Dopath, Kjaergaard (Forson, 45. min), Bidstrup (Capaldo, 65. min), Gloukh (Sucic, 79. min); Simic, Konate (Ratkov, 45. min).
2 - Reala: Remiro; Traoe (Elustondo, 84. min), Zubeldia, Le Normand (Pacheco, 45. min), Muñoz; Mendez (Turrientes, 82. min), Merino, Zubimendi, Barrenetxea (Fernandez Luna, 64. min); Oyarzabal, Kubo (Cho, 63. min)
Golak: 0-1, 7. min: Oyarzabal, 0-2, 27. min: Mendez.
Epailea: Bartosz Frankowski (Polonia). Txartel horia atera die Salzburgoko Solet (42. min), Pavlovic (76. min) eta Daidoo (88. min) jokalariei, eta Realeko Le Normand (15. min) eta Mendez (59. min) jokalariei.
Zure interesekoa izan daiteke
Matarazzo: "Atzo nahikoa denbora izan genuen asteazkeneko garaipena dastatzeko"
Realeko entrenatzaileak EA Sports Ligako 27. jardunaldian Atletico Madrilen aurka jokatuko duten partidaz hitz egin du. Horren hitzetan, asteazkenekoa ondo ospatu dute, baina orain Ligan zentratu beharra dute, oso garrantzitsua delako.
Realak finalerako jasotzen dituen sarreren % 85 bazkideentzat izango dira
Gainera, talde txuri-urdinak azaldu du 25 urte edo gehiagoko antzinatasuna duten bazkideek sarrera ziurtatuta izango dutela. Gainerako bazkideek zozketa batean izena eman beharko dute.
Rino Matarazzo: "Oso pozik nago, oso berezia da; gol aukera oso gutxi egin ahal izan dizkigute”
Realeko entrenatzaileak nabarmendu du nola jokatu duen bere taldeak lehen zatian, Athleticen aurkako itzuliko partidako lehen zatian, eta, halaber, pozik azaldu da, txuri-urdinek, beste behin, golik ez baitute jaso.
Jon Martin: "Gaur ere, partida osoa egin dugu, eta finalean gaude"
Realeko atzelari gazteak, Athleticen aurkako kanporaketa amaituta eta Sevillako finalerako txartela eskuratuta, gogora ekarri du nola bizi izan zuen talde txuri-urdinak irabazitako azken finala, 2021ekoa.
Horrelakoa izan da Realari garaipena eman dion penaltia
VARak deituta joan da epailea zer gertatu den begiratzea. Ruiz de Galarretak kamisetatik heldu dio Yangel Herrerari arean, eta penaltia dela erabaki du epaileak. Oyarzabalek bota, eta gola sartu du, horrera Sevillarako txartela lortuz.
Realaren zaleek talde txuri-urdinaren autobusari harrera eginen diote, asteazkenean, Kopako derbiaren aurretik
Rino Matarazzoren taldearen autobusak realzaleen animoak jasoko ditu, 19:00etatik aurrera, Anoeta hotelean hasita.
Matarazzok taldea "gogotsu" dagoela azpimarratu du, Athleticen aurkako partidari begira
Realak eta Athleticek asteazken honetan jokatuko dute Errege Kopako finalaurrekoetako itzuliko partida, Donostian. Matarazzok prentsaurrekoa eman du gaur, neurketa nola ikusten duen azaltzeko.
Anoetaren ondoan eginen den topagunean asteazken arratsaldeko giroa bizituko dute zaleek, Kopako finalerdietako derbian
Realak topagune bat antolatu du, eta zuzeneko musika eta food truckak izanen dira horretan. Gainera, talde txuri-urdinaren zaleek mosaiko handi bat osatuko dute estadioaren barnean, Realaren eta Athleticen jokalariak zelaira ateratzen direnean.
Jon Martin: "Hutsean berdinduta joango bagina bezala jokatu behar dugu neurketa"
Atzelari txuri-urdina "baikor" azaldu da Athleticen kontrako norgehiagokaren atarian. "San Mamesen partida osoa egin genuen, eta konfiantzarekin gaude", azpimarratu du. "Oso pozik nago nire lanarekin, baina gauza asko hobetu behar ditut", gaineratu du.
Deporrek luzapenean sartutako gol batek punturik gabe utzi du Sanse (2-3)
Astiazaran eta Ochieng jokalarien golekin markagailua irauli arren, Mikel Rodriguezen kanporaketak Zubietako partidaren azken minutuak baldintzatu ditu.