Realaren zaleek talde txuri-urdinaren autobusari harrera eginen diote, asteazkenean, Kopako derbiaren aurretik
Rino Matarazzoren taldearen autobusak realzaleen animoak jasoko ditu, 19:00etatik aurrera, Anoeta hotelean hasita.
Realaren zaleek talde txuri-urdinaren autobusari harrera eginen diote asteazkenean, 21:00etatik aurrera, Errege Kopako finalerdietan, Realaren eta Athleticen artean jokatuko den derbiaren aurretik. Zehazki, Rino Matarazzoren taldearen autobusak Realaren zaleen bultzada jasoko du 19:00etatik aurrera, Anoeta hoteletik, hegoaldeko parkineraino (17. atea).
Donostiako taldeak zehaztu duenaren arabera, “formula errepikatuko da, eta bereizitako bi eremu egonen dira. Ospitaletatik jaitsiko da. Autobusak lehenengo biribilgunean bira eginen du eta Txuri Urdinen zuzengunean jarraituko du, han harreraren lehenengo zatia hasiko da eta Paco Yoldiraino joango da. Une horretatik aurrera autobusak Anoetako Miniestadioaren perimetroa inguratuko du, estadiorako iritsieraren azkeneko zatian sartu baino lehenago”.
Bigarren zatia, Realak azaltzen duenaren arabera, “autobusak Miniestadioa inguratu eta Antonio Elorza Belodromoa atzean utzi ondoren hasiko da. Une horretan, harreraren zati beroena hasiko da. Estadiora ailegatzeko 200 metro geratuko dira, eta hegoaldeko parkinetik sartuko dira, 17. atearen ondoan”.
“Taldearen autobusak ibilbide hori egiten duen hirugarren aldia izanen da, eta derbiaren aurretik tenperatura igotzeko helburua dauka, gizalegez eta familia txuri-urdinaren ereduzko jokabidearekin” azpimarratu du Realak.
Zure interesekoa izan daiteke
Matarazzo: "Atzo nahikoa denbora izan genuen asteazkeneko garaipena dastatzeko"
Realeko entrenatzaileak EA Sports Ligako 27. jardunaldian Atletico Madrilen aurka jokatuko duten partidaz hitz egin du. Horren hitzetan, asteazkenekoa ondo ospatu dute, baina orain Ligan zentratu beharra dute, oso garrantzitsua delako.
Realak finalerako jasotzen dituen sarreren % 85 bazkideentzat izango dira
Gainera, talde txuri-urdinak azaldu du 25 urte edo gehiagoko antzinatasuna duten bazkideek sarrera ziurtatuta izango dutela. Gainerako bazkideek zozketa batean izena eman beharko dute.
Rino Matarazzo: "Oso pozik nago, oso berezia da; gol aukera oso gutxi egin ahal izan dizkigute”
Realeko entrenatzaileak nabarmendu du nola jokatu duen bere taldeak lehen zatian, Athleticen aurkako itzuliko partidako lehen zatian, eta, halaber, pozik azaldu da, txuri-urdinek, beste behin, golik ez baitute jaso.
Jon Martin: "Gaur ere, partida osoa egin dugu, eta finalean gaude"
Realeko atzelari gazteak, Athleticen aurkako kanporaketa amaituta eta Sevillako finalerako txartela eskuratuta, gogora ekarri du nola bizi izan zuen talde txuri-urdinak irabazitako azken finala, 2021ekoa.
Horrelakoa izan da Realari garaipena eman dion penaltia
VARak deituta joan da epailea zer gertatu den begiratzea. Ruiz de Galarretak kamisetatik heldu dio Yangel Herrerari arean, eta penaltia dela erabaki du epaileak. Oyarzabalek bota, eta gola sartu du, horrera Sevillarako txartela lortuz.
Matarazzok taldea "gogotsu" dagoela azpimarratu du, Athleticen aurkako partidari begira
Realak eta Athleticek asteazken honetan jokatuko dute Errege Kopako finalaurrekoetako itzuliko partida, Donostian. Matarazzok prentsaurrekoa eman du gaur, neurketa nola ikusten duen azaltzeko.
Anoetaren ondoan eginen den topagunean asteazken arratsaldeko giroa bizituko dute zaleek, Kopako finalerdietako derbian
Realak topagune bat antolatu du, eta zuzeneko musika eta food truckak izanen dira horretan. Gainera, talde txuri-urdinaren zaleek mosaiko handi bat osatuko dute estadioaren barnean, Realaren eta Athleticen jokalariak zelaira ateratzen direnean.
Jon Martin: "Hutsean berdinduta joango bagina bezala jokatu behar dugu neurketa"
Atzelari txuri-urdina "baikor" azaldu da Athleticen kontrako norgehiagokaren atarian. "San Mamesen partida osoa egin genuen, eta konfiantzarekin gaude", azpimarratu du. "Oso pozik nago nire lanarekin, baina gauza asko hobetu behar ditut", gaineratu du.
Deporrek luzapenean sartutako gol batek punturik gabe utzi du Sanse (2-3)
Astiazaran eta Ochieng jokalarien golekin markagailua irauli arren, Mikel Rodriguezen kanporaketak Zubietako partidaren azken minutuak baldintzatu ditu.