Oyarzabal, urriko jokalari onena

Santander Ligak urriko jokalari onenaren saria eman dio Mikel Oyarzabali. Realeko jokalariak maila bikaina eskaini, eta talde txui-urdina sailkapeneko lehen posturaino gidatu du.

Realeko kapitaina Imanol Alguacilek zuzentzen duen taldeko jokalari garrantzitsuenetakoa da, eta fin dabil golari begira. Oyarzabal, Realeko eta Ligako golegile nagusia da bost gol sartuta; horietatik hiru, urrian.

Gaztea den arren, heldutasuna eta esperientzia ematen dizkio taldeari, eta Mikel Oyarzabalen joko-maila bikainak zerikusia izan du Reala Santander Ligako lehen postura eramateko.