Realak Levante du buruan, Real Madrilen aurkako porrota ahaztuta
Relak lehenbailehen ahaztu nahi du bart Real Madrilen kontra izandako porrota (1-3), eta buru-belarri ekin nahi dio Levanteren partidan pentsatzeari. Badira bost urte valentziarren aurka galtzen ez dutela.
Bartzelonarekin batera sailkapenean lehen postuan berdinduta mantentzeko aukera galdu zuten atzo txuri-urdinek; alabaina, talde madrildarrak Anoetan daraman bolada onari eutsi zion, behin besterik ez baitu galdu azken hamar denboraldietan, eta azken hiruretan garaipena eskuratu du.
Realak ez zuen Madrili aurre egiteko aukera handiegirik izan, eta orain oso ondo doakien aurkaria izango dute aurrez aurre donostiarrek. Gailenduz gero, Txapeldunen Ligako postuei sendo eusteko parada izango dute.
Estatistika donostiarren oso aldekoa da azkenaldian, ez baitute Levanteren kontra galtzen 2012/13 denboralditik, eta ordutik hona zazpi lehia jokatu dituzte, Donostian zein Valentzian, galdu gabe.
Ohikoena berdinketa izan da, 2013 eta 2014 urteen artean lau izan baitziren. Dena dela, realzaleen oroimenean ondo gordeta dago txuri-urdinek duela bi denboraldi Levanteri sartutako 0-4koa. Denboraldi hartan Levante bigarren mailari jatsi zen.
Aipatu norgehiagokan protagonismo nabarmena izan zuten hiru jokalariak Realean jarraitzen dute oraindik; izan ere, gola sartu zutenak Carlos Vela (bi aldiz), Asier Illarramendi eta Imanol Agirretxe izan ziren.
Irabaziz gero, Realak porrotik gabe jarraituko luke etxetik kanpo.
etxetik kanpo.Zure interesekoa izan daiteke
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren izena, abizenak eta NANa apirilaren 18an Cartuja estadiora sartzen den pertsonarenak izan beharko dira.
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Arturo Ruiz: "Errendimenduak ematen dio sendotasuna proiektu bati"
F Moeve Liga datorren astean itzuliko da, eta Realak txapelketari ekingo dio berriro, Txapeldunen Ligako postuetan jarraitzeko helburuarekin. Arturo Ruizek zuzendutako taldea denboraldi bikaina egiten ari da.
Matarazzo: "Atzo nahikoa denbora izan genuen asteazkeneko garaipena dastatzeko"
Realeko entrenatzaileak EA Sports Ligako 27. jardunaldian Atletico Madrilen aurka jokatuko duten partidaz hitz egin du. Horren hitzetan, asteazkenekoa ondo ospatu dute, baina orain Ligan zentratu beharra dute, oso garrantzitsua delako.
Realak finalerako jasotzen dituen sarreren % 85 bazkideentzat izango dira
Gainera, talde txuri-urdinak azaldu du 25 urte edo gehiagoko antzinatasuna duten bazkideek sarrera ziurtatuta izango dutela. Gainerako bazkideek zozketa batean izena eman beharko dute.
Rino Matarazzo: "Oso pozik nago, oso berezia da; gol aukera oso gutxi egin ahal izan dizkigute”
Realeko entrenatzaileak nabarmendu du nola jokatu duen bere taldeak lehen zatian, Athleticen aurkako itzuliko partidako lehen zatian, eta, halaber, pozik azaldu da, txuri-urdinek, beste behin, golik ez baitute jaso.
Jon Martin: "Gaur ere, partida osoa egin dugu, eta finalean gaude"
Realeko atzelari gazteak, Athleticen aurkako kanporaketa amaituta eta Sevillako finalerako txartela eskuratuta, gogora ekarri du nola bizi izan zuen talde txuri-urdinak irabazitako azken finala, 2021ekoa.