Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Jonathan Dubasin, Osasunaren jokalari berria.
Osasunak Jonathan Dubasin jokalariaren fitxaketaren berri eman du astelehen honetan; hain zuzen ere, 2030era arteko kontratua sinatu dute bi aldeek. Iragan sasoian Spoting Gijon taldean ibili zen, eta 17 gol sartu zituen.
26 urte ditu, eta bere ibilbideko denboraldirik onena egin berri du Sportingekin. Izan ere, 17 gol sartzeaz gain, lau asistentzia ere eman ditu.
Seu d'Urgellen hasi zen, eta Andorra, Atletic Segre eta Gironako behe mailetako taldeetan jarraitu zuen jokatzen. Figueres, Costa Brava, Logroñes, Albacete, Basilea, Oviedo eta Sporting taldeetan ibili da ondoren. Orain, Espainiako Lehen Mailan debuta egiteko aukera izango du, Osasunan. Eskuin hegala indartzera dator.
Dubasinek gaur arratsaldean bertan egingo du bat taldekideekin, Norwichen (Ingalaterra). Jokalariaren aurkezpen ofiziala handik itzulitakoan egingo dela zehaztu du Osasunak.
Zure interesekoa izan daiteke
Iñigo Arguibidek 2030era arte luzatu du kontratua Osasunarekin
Osasunak garaipena lortu du Huescaren aurka eta aurrera egin du Erregina Kopan
Cata, Osasunaren kirol zuzendari berria: “Normaltasunetik lan egin nahi dut, koherentziatik”
Budimirren 100. golak puntu bat eman dio Osasunari Rayoren aurka (1-1)
Ramis: “Gutxiegirekin ari zaizkigu min egiten"
Luis Miguel Ramis, baliogabetutako golaz: “Nire ustez, erabaki okerra da; berriro ere, horrek zigortu egin gaitu”
Osasunak Atletico Madrilen etxean galdu du, eta hiru partida daramatza punturik batu ezinik (4-0)
Ramis, Atleticoren aurkako partidari buruz: “Taldeak saria merezi du egiten ari den lanagatik”
Braulio Vazquez, Osasunaren agurrean: “Gozatu eta sufritu egin dugu elkarrekin. Denak du amaiera”
