Osasunak jaitsierari aurre egiteko Howden enpresarekin kontratatutako aseguruak polemika piztu du
Talde gorritxoak azpimarratu duenez, horrelako mekanismoak ohikoak dira kirol profesionalean eta, bereziki, futbolean. Talde nafarrak azaldu duenez, 1,2 milioiko estaldura kontratatu zuten, kategoria galduz gero 6 milioiko ordaina bermatzeko.
Osasunak azken partida galdu egin zuen Getafen, baina azkenean eutsi egin zion mailari. Argazkia: Europa Press
Osasunak jaitsierari aurre egiteko kontratatutako asegurua defendatu du gaur. Operazioa legezkoa eta normala dela defendatu du talde gorritxoak, maila galetzearen ondorio ekonomikoen aurrean futbol profesionalean erakundeak babesteko ohiko tresna dela ziurtatuz.
Aseguruak sortutako polemikaren aurrean, Osasunak jaitsierak izango lukeen eragin ekonomikoari aurre egiteko kontratatutako estalduraren xehetasunak argitu ditu. Talde nafarrak azaldu duenez, 1,2 milioi euroko estaldura kontratatu zuten, kategoria galduz gero 6 milioiko ordaina jasotzeko.
Klub gorritxoak azpimarratu du horrelako formulak ohikoak direla kirol profesionalean eta, bereziki, futbolean; izan ere, mailen arteko diru-sarreren arteko aldeak direla-eta, beharrezkoa da arazo posibleen aurrean finantza babeserako tresnak izatea.
Howden, nazioartean ospe handia eta ibilbide luzea duen enpresa
Osasunak adierazi du, gainera, Howdenen bidez kontratatu zutela estaldura. Enpresa horrek ospe handia du nazioartean, eta ibilbide luzea egin du kirol arloan. Urteak daramatza Ligako hainbat klubekin lanean, gogorarazi duenez.
Talde nafarraren esanetan, Ligak berak operazioaren berri izan zuen kontratazio-prozesuan zehar, Howdenek eta Espainiako futboleko patronalak igorritako agiri batzuek egiaztatzen dutenez. Mota horretako babesak klub profesionaletan arriskuak kudeatzeko ohikoak direla esan du.
Halaber, Osasunak jakinarazi du kontratazioa talde gorritxoaren Kontrol Batzordearen presidenteari jakinarazi zitzaiola, eta operazioa organo horrek datozen egunetan aurkeztuko duen txostenean txertatuko dela. Era berean, klubeko auditoreei operazio horren berri eman zitzaien, talde gorritxoak zabaldutako oharrean azaltzen denez.
Zure interesekoa izan daiteke
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.