Osasunaren harresiak ez dio Bartzelonaren erasoari eutsi (2-0)
Osasunak 2-0 galdu du Bartzelonaren aurka larunbat honetan Spotify Camp Noun jokatu den EA Sports Ligako 16. jardunaldiko partida. Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lehen zatia Bartzelonaren bakarrizketa izan da, gorritxoen ateari eraso eginez etengabe. Ferranek sortu du arriskurik handiena; buruz gola sartzea ere lortu du, baina epaileak baliorik gabe utzi du gola jokoz kanpokoagatik.
Osasunari kosta egin zaio arriskua sortzea, eta lortu duenean kontraeraso azkarrekin egin du, aurkarien defentsa aurreratuaz baliatuta. Abagune argienak Budimirrek izan ditu, Joan Garciaren aurkako buruz burukoa barne, baina atezainak ondo jardun du jokaldia mozteko.
Gainerakoan, Nafarroako taldea ondo aritu da bere arean eta sendo defendatu du markagailua hutsean iritsi ahal izateko atsedenaldira.
Bigarren zatia hasi eta berehala, Victor Muñozek lasterketa izugarria egin du, eta gutxigatik kanpora joan zaion jaurtiketa batekin amaitu du. Bartzelonaren monopoliora itzuli aurretik Osasunak izan duen aukera argienetako bat izan da.
Gorritxoei defentsako lanera itzultzea tokatu zaie, eta dena eman dute helburu horrekin, aurkariaren jaurtiketa bakoitza estaliz, azkenean saihestezina zena gertatu den arte. Raphinhak baloia area kanpoan hartu eta jaurtiketa on batekin markagailua ireki du (1-0).
Osasunak estrategia aldatu du berdinketaren bila, baina kontrakoa gertatu da: Bartzelonak bigarren gola sartu du, Raphinhak bere bigarrena sartuz (2-0).
Azkenean, gorritxoen defentsa sutsuak ez du bere helburua lortu, eta porrot honekin sailkapeneko beheko postuetan jarraitzen dute.
Zure interesekoa izan daiteke
Alessio Lisci, Realaren aurkako partidaren aurrean: "Lehiatzera joateko oso gogotsu gaude"
Alessio Lisci Osasunaren entrenatzaileak bihar Errege Kopan Realaren aurka jokatuko duten partidaren analisia egin du.
Lisci: "Partida hau ehun aldiz jokatu eta behin galtzen dugu"
Osasunako entrenatzaileak Gironaren aurka jasotako porrotaz (1-0) hitz egin du EA Sports Ligako 19. jardunaldian.
Osasunak norabiderik gabe jarraitzen du etxetik kanpo (1-0)
Varaten golak garaipena eman dio Gironari, eta gorritxoek irabazi gabe jarraitzen dute bisitari moduan.
Lisci: "Gironan irabaztea aurrerapauso handia izango litzateke"
Osasunak etxetik kanpoko lehen garaipena lortu nahi du larunbat honetan Gironaren aurka. Alessio Liscik talde gorritxoa une onean dagoela azpimarratu du, eta etxetik kanpoko bolada txarrarekin ez itsutzeko deia egin du.
Ruben Garcia: "Gaiztakeria gehiago izatea kostatzen zaigu"
Osasunako jokalariak gorritxoen gola sartu du, eta Athleticen aurka lortutako berdinketa baloratu du Sadarren, EA Sports Ligako 18. jardunaldiko euskal derbian.
Alessio Liscik "azkarrak izatea" eskatu die jokalariei Athleticen aurka
Osasunako entrenatzaileak larunbatean, EA Sports Ligako 18. jardunaldian, Athleticen aurka Sadarren jokatuko duten derbiari buruz hitz egin du.
Javi Galan bere aurkezpenean: "Nahi dudan tokian nago, eta maila ona ematen saiatuko naiz"
Javi Galan Atletico Madriletik iritsi da, eta gaur aurkeztu dute Sadarren Osasunako jokalari berri gisa, goizean Taxoaren egindako entrenamenduan parte hartu ostean.
Osasunak Javi Galan fitxatu du, 2025-2026 denboraldiko amaierara arte
Nafarroako klubak 500.000 euro ordainduko dizkio Atletico Madrili, ezker hegaleko atzelaria bereganatzeko. Galan hilaren 29an hasiko da entrenatzen Osasunarekin, eta egun horretan bertan aurkeztuko dute. 2023-24 denboraldian, Realean jokatu zuen, utzita.
Herrera: "Erraza dirudi, baina asko borrokatu behar izan dugu"
Osasunako atezainak Alavesen aurka irabazitako derbiaz (3-0) hitz egin du Sadarren jokatu den EA Sports Ligako 17. jardunaldiko partidan.
Alessio Lisci: "Alavesi nola edo hala irabazi behar diogu"
Osasuna eta Alaves izango dira bihar urteko azken derbiaren protagonistak. Alessio Lisci gorritxoen entrenatzaileak prentsaurrekoan adierazi duenez, biharkoa denboraldiko neurketa garrantzitsuenetarikoa da, eta taldea sasoi onean iristen dela uste du.