Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Osasunak 1-0 galdu du Getaferen aurka larunbat honetan, Coliseum zelaian, EA Sports Ligako azken jardunaldiko partidan. Gorritxoek puntu bat behar zuten maila gorenean jarraitzeko, baina porrota jaso ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Gorritxoek ondo hasi dute partida, aurkariaren area bizkor bilatuz, eta horiena izan da partidako lehen aukera. Korner batean, Torrok buruz errematatu du, baina erdiratuegi atera zaio atezainaren eskuetara.
Raul Garcia de Harok aukera paregabea izan du Soriaren aurrean bakarrik geratu denean, baina jaurtiketa ahulegia egin du.
Getaferen lehen aukera falta batean etorri da. Millak zuzenean jaurti du, zutoinera itsatsita, baina Sergio Herrerak ondo sartu ditu ukabilak baloia urruntzeko.
Horren ostean, jokoak erritmoa galdu du. Etxeko taldeak baloiaren jabetza gehiago izan du, baina ez du arriskurik sortu Osasuna ondo kokatuta egon baita. Lehen zatiko azken minutuetan, Herrerak beste geldiketa on bat egin du aurkaria aurreratzea eragozteko, eta markagailua hutsean zutela joan dira aldageletara.
Bigarren zatia ere ildo beretik hasi da, beste partidetako emaitzak ikusita, bi taldeei berdinketak balio zielako helburuak betetzeko. Ordubete igarotakoan, baina, Luis Millak areaz kanpoko jaurtiketa bat egin du, eta, Herrando jo ondoren, baloia desbideratu egin da eta sarera sartu da, atezaina ezustean harrapatuta (1-0).
Lisci berdinketaren bila joan da, beste partidei begiratu gabe, eta Kike Barja eta Ruben Garcia zelairatu ditu Torro eta Herrandoren ordez, freskotasunaren bila. Zoritxarrez, sartu bezain pronto, Ruben Garciak min hartu du, eta ezin izan du zelaian jarraitu. Moi Gomez sartu da haren ordez.
Minutuak igaro ahala, Osasuna urduri jarri da, ideia eta aukera argirik gabe ari baitzen. Galanek burukada indartsua jo du partida amaitzeko 5 minutu falta zirenean, baina erdiratuegi atera zaio. Raul Garcia ere falta zuzen batekin saiatu da, baina gora joan zaio.
Azken minutuak oso biziak izan dira, dena oso irekita baitzegoen, eta jaitsiera postuak jokoan. Osasunak gora egin du, baina ez du golik egin, eta aurkarien emaitzen zain geratu da.
Gorritxoen zorionerako, Gironak berdindu egin du Elxen aurka (1-1); beraz, Osasunak maila gorenean jarraituko du beste urtebetez.
Girona, Mallorca eta Oviedo jaitsiko dira Bigarren Mailara.
Zure interesekoa izan daiteke
Ramis, zaleen txistuei buruz: “Kikildu behar ez gaituen zerbait dela uste dut”
Luis Miguel Ramis Osasunako entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).