Chimyk eta Aitor Fernandezek garaipena eman diote Osasunari Celtaren aurka (1-2)
Osasunak garaipena lortu du Balaidosen Chimy Avilaren bi golei eta Aitor Fernandezen geldiketa ikusgarri bati esker. Nafarrek nahikoa izan dute lehen zatian sartutako bi golekin partida irabazteko eta sailkapenean Europako postuetan sartzeko.
Osasunak lehen zatian izan duen lehen aukeran egin du gola. Moi Gomezek pasea eman dio Chimy Avilari eta argentinarrak erremate bikain batekin lortu du gola (7. minutuan). Chimyk oinaren kanpoaldearekin jaurti eta zutoinaren ondotik lortu du baloia sareratzea.
Celtak kikiltzetik urrun, erasoari ekin dio. Gola jaso eta 3 minutura, Javi Galanek kanpora bidali du baloia Iago Aspasen erdiraketa eta gero. 17. minutuan bi aukera izan dituzte galiziarrek. Lehena Oscar Rodriguezek izan du, baina Aitor Fernandez atezainak ongi gelditu du. Kornerrean Larsenek erremate arriskutsua egin du baina baloia kanpora joan da.
Abisuak besterik ez dira izan horiek, baina 18. minutuan Iago Aspasek gol bikaina egin du: Cervik atzera pasea egin eta area barruan bakarrik errematatu du Moañakoak.
Lasaitu egin da norgehiagoka hurrengo minutuetan baina 27. Minutuan bigarrenez kolpatu du Chimy Avilak galiziarren atea. Oraingoan, Manu Sanchezek egindako erdiraketa bat bidali du ate barrura, buruz. Arratsaldeko bere bigarren gola ere dotorea izan da, urrutitik eman du burukada eta lurrean jo eta gero sartu da Celtaren atean.
Chimyk aurretik jarri ditu gorritxoak lehen zatian eta hala heldu dira atsedenaldira. Bigarren zatia lasaiagoa izan da. Celtak saiakera ugari egin baditu ere, hasierako minutuetan ez du aukera garbirik izan Aitor Fernandezen atean. Osasuna ez da lehen zatian bezain oldarkorra izan eta emaitzari heldu dio.
Osasunaren aukera garbiena 67. minutuan izan da. Nacho Vidalek airez errematatu du baina jaurtiketa zutoinaren ondotik joan da kanpora.
77. minutuan, epaileak Celtaren aldeko penaltia eman du. VARak, ordea, epailearen erabakia zuzendu eta ezerezean utzi du Celtak berdinketa lortzeko zuen aukera. Une hortan partida berriro erritmoa hartzen hasi da. Osasuna presio altua egiten hasi da eta Celtak indartsuago ekin dio berdinketaren bila.
84. minutuan Celtako kapitainak, Iago Aspasek, erremate ikusgarria egin du, erdiraketa bat artaziz errematatuta. Aitor Fernandezek, baina, zailtasunik gabe hartu du baloia.
Zailago izan du Arrasateko atezainak 88. minutuan Pacienciaren jaurtiketa geratzeko. Erremate indartsua egin du Celtako jokalariak eta Fernandezek maisuki blokatu du, garaipena ziurtatuz.
Osasunak irabazi egin du etxetik kanpo eta bosgarren da Santander Ligako sailkapenean 7 garaipenekin.
Fitxa teknikoa:
1 - RC Celta: Marchesín; Mingueza, Aidoo, Unai Núñez, Javi Galán; Carles Pérez (Swedberg, 56. minutua), Beltrán, Óscar Rodríguez, Cervi (Pablo Durán, 86. minutua); Aspas y Larsen (Paciencia, 56. minutua).
2 - Osasuna: Aitor Fernández; Rubén Peña (Rubén García, 82. minutua), Unai Unai García, David García, Manu Sánchez; Aimar Oroz (Moncayola, 71. minutua), Torró, Moi Gómez; Chimy Ávila (Darko, 82. minutua), Kike Barja (Nacho Vidal, 62. minutua) eta Budimir.
Golak: 0-1 Chimy Ávila, 7. minutuan; 1-1 Iago Aspas, 18. minutuan; 1-2 Chimy Ávila, 28. minutuan.
Epailea: Figueroa Vázquez. Txartel horiak atera dizkie Celtako Swedbergi (65. min) eta Osasunako Unai Garciari (5. min), Chimy Avilari (15. min), Aimar Orozi (41. min) eta Kike Garciari (87. min).
Zure interesekoa izan daiteke
Asier Osambela: "Hemendik goraka joaten saiatu behar gara"
Asier Osambela pozarren agertu da Osasunak Rayo Vallecano 1-3 menderatu ondoren. Dena den, jokalari nafarrak azpimarratu du, garaipenak poza eman badie ere, orain inoiz baino gehiago, lanean jarraitu behar dutela.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Alessio Lisci: "Raul oso gustuko dugu, eta zorionez ekarri ahal izan dugu"
Bestalde, Rayoren aurka "oldarkorra izan nahi duen Osasuna, partidan egon nahi duen taldea" ikusi nahi duela, adierazi du entrenatzaile erromatarrak.
Raul Moro: “Ondo jarraitzeko eta taldeari eta klubari laguntzeko zereginarekin nator”
Raul Morok 2031ra arte fitxatu du Osasunarekin. Ajaxeko jokalari ohiak prentsaurrekoa eman du Braulio Vazquezekin batera, eta bere ustez egon behar duen lekuan dagoela adierazi du.
Osasunak Raul Moro fitxatu du, 2031ra arte
Jokalari kataluniarra Ajax taldean aritu da denboraldi honetan, baina ia ez du jokatu. Iruñeko klubak bost milioi euro ordaindu ditu, eta futbolariaren etete klausula 50 milioikoa izango da.
Aimar Oroz: "Asko sufritu dugu, baina azkenean irabazi egin dugu, eta hori da garrantzitsuena"
Aimar Oroz pozarren agertu da Osasunak Oviedo 3-2 menderatu eta gero. Edonola ere, jokalari nafarrak adierazi du gorritxoak ez direla eroso egon eta asko kostatako garaipena izan dela, markagailuan atzetik joan baitira.
Osasunak bi aldiz irauli du markagailua Oviedori irabazteko (3-2)
Bi aldiz berdindu behar izan dute markagailua gorritxoek, Budimirren bi golekin, eta Victor Muñozek luzapenean sartu du Osasunari garaipena eman dion gola.
Alessio Lisci: "Lehengo eguneko partidak ez du arrastorik utzi behar"
Osasunako entrenatzaileak larunbatean, EA Sports Ligako 20. jardunaldian, Oviedoren aurka jokatuko duten partidari buruz hitz egin du.
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.
Jorge Herrando, Osasunarekin kontratua berritu duela iragarri ostean: "Jokatzeko eta nire lana erakusteko gogotsu nago"
Osasunarekin 2030era arte kontratua berritu duela iragarri ostean, Jorge Herrandok prentsaurrekoa eman du talde gorritxoan izango duen etorkizunaz hitz egiteko.