Osasunak hutsean berdindu du berriro etxean
Osasunak kamuts jarraitzen du Liga, bigarren jardunaldian ere hutsean berdindu baitu, oraingoan Celtaren aurka (0-0). Partidan zehar gol aukerak izan dituzte bi taldeetako jokalariek, baina ez dituzte aprobetxatu.
Lehen minutuetan bisitariak nagusitu dira; eurena izan da baloiaren jabetza eta goiko gizonek mugikortasun handia erakutsi dute. Ordu laurdenera, ordea, Osasunak martxan jarri ditu motorrak, joko ikusgarria eta bizia eginez.
Hala, Kike Barjak kontrol bikaina egin du area barruan, eta haren jokaldia Kike Garciak amaitu du atera jaurtiz, baina punteriarik gabe. Osasunak jokaldi onak egin ditu, eta Coudeten taldea itota aritu da minutu batzuetan.
Etxekoen nagusitasuna gorabehera, Denis Suarezek aukera argia izan du, baina areaz kanpotik egindako bere saiakera ez da hiru zutoinen artera joan.
Atsedenaldiaren ostean, partidaren norabidea aldatu ahal izan duen jokaldia izan da, Carlos Dominguezek zaplazteko bat eman baitio Kike Garciari area barruan. Epaileak ikusi, eta penalti adierazi du.
Ruben Garciak hartu du hura jaurtitzeko ardura, eta ate erdira zuzendu du bere ahalegina; Matias Dituro atezain argentinarrak, baina, eskuin hankarekin aldendu du baloia, ezker zutoinerantz jauzi egiten ari zela.
Gerora, Jagoba Arrasatek partida iraultzen saiatu da, Ante Budimir eta Chimy Avila aurrelariak zelairatuta, hiru puntuak eskuratzeko ahaleginean.
Azken horrek bi aukera garbi izan ditu azken minutuetan, baina horren bi burukadek ez dute saririk lortu. Horrenbestez, gorritxoek gola sartu ezinda jarraitzen dute denboraldi hasiera honetan.
Fitxa teknikoa
0 - Osasuna: Sergio Herrera; Nacho Vidal, Aridane, David García, Manu Sánchez (Cote, 83. min); Moncayola, Torró, Darko (Javi Martínez, 83. min); Kike Barja (Roberto Torres, min. 65), Kike García (Budimir, 73. min), Rubén García (Chimy Ávila, 73. min).
0 - Celta: Matías Dituro; Kevin, Araujo, Domínguez (Aidoo Jr, 79. min), Javi Galán; Tapia; Brais Méndez (Solari, 70. min), Denis Suárez (Fran Beltrán, 70. min), Nolito (Cervi, 61. min); Iago Aspas, Santi Mina.
Epailea: Alberola Rojas. Txartel horiak: Darko, Manu Sánchez, Oier eta Roberto Torres (Osasuna); Tapia, Nolito, Kevin eta Carlos Domínguez (Celta).
Zure interesekoa izan daiteke
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.
Alessio Lisci: "Mallorcaren aurkako partida oso garrantzitsua da"
Osasunako entrenatzaileak prentsaurrekoa eman du bihar Mallorcaren aurka jokatuko duten partidaren atarian. "Gogo handia dugu, partida oso garrantzitsua da, finalaren tankera duen neurketa", azpimarratu du. "Irabaziz gero, ez ginateke matematikoki salbatuta egongo, baina bai birtualki", adierazi du.
Braulio Vazquez: “Egon nahi dudan lekuan nagoela erakutsi dut, zoriontsu naizen lekuan”
Braulio Vazquez aurkeztu dute Osasunako kirol zuzendari 2029ra arte. Galiziarra Osasunan kirol zuzendari gisa denbora gehien egon den gizona izango da. Prentsaurrekoan adierazi duenez, "hori niretzat harro egoteko modukoa da", eta klub garrantzitsuen aukerak izan dituela gaineratu du.
Braulio Vazquez kirol zuzendariak Osasunarekin berritu du, 2029ra arte
Jose Antonio Prieto Cata futbol profesionaleko idazkari teknikoak ere sinatu du berritzea Nafarroako klubarekin. Braulio 2017an iritsi zen Osasunara, eta kargua bere gain hartu zuenetik, talde gorritxoa Lehen Mailara igo zen 2019an, sei aldiz eutsi dio mailari, Errege Kopako final bat jokatu du, eta Konferentzia Ligan ere izan da.
Lisci: "Agian 0-0eko partida izan da, baina futbolean golak sartu behar dira"
Osasunako entrenatzaileak partida amaitu ostean emandako prentsaurrekoan adierazi duenez, igande honetan Valentziaren aurka Mestallan jokatu duten neurketa "agian" 0-0ekoa izan da, eta ez 1-0ekoa, baina "futbolean golak sartu behar dira".
Osasunak atera jaurti gabe galdu du Valentziaren aurka (1-0)
Arrisku gutxiko partida izan da bi aldeetatik, eta Ramazanik penaltiz egin duen gola izan da atera egin duten jaurtiketa bakarra.
Moncayola: "Gaur erakutsi dugu taldea ondo dagoela, liderren aurka garaipen borobila lortuta"
Jon Moncayola Osasunako jokalariaren adierazpenak, EA Sports Ligako 25. jardunaldiko partidan Real Madril 2-1 garaitu ostean.
Raul Garciak azken minutuetan sartutako gol bikainak garaipena eman dio Osasunari Real Madrilen aurka (2-1)
Lehenengo gola Budimirrek egin du lehen zatian, penaltiz. Bigarrenezn, Viniciusek banakoa egin du 73. minutuan, eta, luzapenean, Raul Garciak garaipena eman die nafarrei.
Lisci: "Real Madrilen aurkako partidetan Sadarreko giroa ikaragarria izaten dela esan didate"
Real Madrilen aurkako neurketa jokatu aurreko prentsaurrekoan esan duenez, Osasunako entrenatzaileak badaki Madrilgo taldearen aurkako partidetan Sadarren giro "ikaragarria" izaten dela.
Alessio Lisci: "Talde batek irabaztekotan, Elxek irabazi behar zuen"
Osasunako entrenatzaileak Elxen aurkako berdinketaz (0-0) hitz egin du EA Sports Ligako 24. jardunaldian. (Adierazpenak gazteleraz)