Osasunak galdu egin du Bernabeura egindako bisitan (2-0)
Osasuna esku-hutsik bueltatuko da Iruñera, 2-0 galdu baitu Real Madrilen aurka, Vinicius eta Rodrygo brasildar gazteen golak direla medio. Hartara, Madrilgo taldea da orain Ligako lider berria, 14 punturekin.
Gorritxoak beldur gabe eta lehiakor zelairatu dira Bernabeun, baina kamuts erasoari begira. Aurrean, ordea, aparteko gauzarik egin gabe aurkariaren atean arriskua sortzeko gaitasun handia duen talde bat izan du.
Hala iritsi da lehen gola, lehen ordu erdia igarota. Viniciusek arearen ertzetik egin du saiakera. Horren jaurtiketak Raul Navasen hanka jo du, baloiak parabola egin, eta Ruben atezainaren ahalegina ezerezean utzi du.
Bigarren zatia itxura berarekin zihoala ohartuta, Jagoba Arrasatek bi aurrelariak aldatu ditu, eta Roberto Torresen kalitatea sartu du berdegunean.
Aitzitik, nafarrek ez dute betarik izan aldaketei zukurik ateratzeko, Rodrygok berehala egin baitu etxekoen bigarren gola, Zinedine Zidane Madrilgo entrenatzaileak jokatzen jarri eta segidan (72. minutua).
Hortik aurrera, eta partidaren amaierara arte, Osasunak besoak jaitsi ditu, eta norgehiagokak ez du nabarmentzekorik izan. Ondorioz, jardunaldi hasieran zituen zazpi puntuekin geratu dira gorritxoak.
Fitxa teknikoa:
2 - Real Madril: Areola, Odriozola, Militao, Sergio Ramos, Nacho, Casemiro, Valverde (James, 82. min), Kroos, Lucas Vazquez, Vinicius (Rodrygo, 71. min) eta Jovic.
0 - Osasuna: Ruben, Lillo, Raul Navas, Roncaglia, Estupiñan, Moncayola, Fran Merida, Rober Ibañez (Roberto Torres, 71. min), Ruben Garcia, Brandon (Chimy Avila, 66. min) eta Cardona (Juan Villar, 66. min).
Golak: 1-0, 36. min: Vinicius. 2-0, 72. min: Rodrygo.
Epailea: Mateu Lahoz. Txartel horiak: Militao eta Nacho (Real Madril); Lillo eta Avila (Osasuna).
Zure interesekoa izan daiteke
Alessio Lisci: "Kopa oso erraza da, zelaira irten arte"
Alessio Liscik Errege Kopako partidan Huescaren aurka lortutako garaipena aztertu du prentsaurrekoan.
Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final-hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldearen entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
“Merkatura joateko dirua daukagu”, adierazi du Braulio Vazquezek
Taldea neguko merkatuko uztan indarberritzeko lanean ari dela baieztatu du Osasunaren kirol zuzendariak, hala ere, onartu du gaur egungo merkatua konplexua dela.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.