Osasunak merezimendu osoz irabazi dio Sportingi (2-0)
Osasunak beste pauso bat eman du igoera lortzeko bere helburuan Gijongo Sportingi etxean 2 eta 0 irabazita. Roberto Torresek, lehen zatian, eta David Rodriguezek, bigarrenean, egin dituzte partidako golak.
Nafarrak asturiarrak baino gehiago izan dira lehen zatian, denboraldiko jokorik onena egin dute. Hala ere, errematean ez dira fin ibili, eta Sportingeko atezainaren lan txukunak ere gorritxoek gol gehiago sartzea ekidin du.
Roberto Torresen gola 9. minutuan iritsi da, ordura arteko aukerarik argienean. Quiquek Sebas Corisi eman dio baloia, eta honek atzera pasea eman dio Torresi, baloia asturiarren atean sartzeko.
Bigarren zatian, eta Osasuna estu eta larri zegoenean iritsi da nafarren bigarren gola. David Rodriguezek egin du, 59. minutuan.
Fran Meridak Quiqueri pasea eman dio, Mariñok aldaratzea lortu du eta baloia David Rodriguezi iritsi zaio, ezkerrez bigarrena egiteko.
Fitxa teknikoa
2 - Osasuna: Sergio Herrera; Lillo, Aridane, Oier, Clerc; Sebas Coris (Arzura, 62. min), Lucas Torró, Fran Mérida, Roberto Torres (De las Cuevas, 70. min); Quique eta David Rodríguez (Unai García, 81. min).
0 - Sporting: Mariño; Jordi Calavera, Álex Pérez, Barba, Canella; Alex López, Sergio Álvarez, Rubén García (Pablo Pérez, 73. min), Moi Gómez (Isma López, 67. min); Carmona (Santos, 67. min) eta Stefan Scepovic.
Golak: 1-0, 9. min: Roberto Torres. 2-0, 59. min: David Rodríguez.
avid Rodríguez.Zure interesekoa izan daiteke
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.