Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Marco Moreno, iragan denboraldiko partida batean. Argazkia: Europa Press
SD Eibarrek eta Sport Clube Bahiak akordioa itxi dute Marco Moreno jokalaria talde brasildarrarera joateko, talde gipuzkoarrak gaur jakitera eman duenez.
Atzelari kanariarra joan den denboraldiko udako merkatuan iritsi zen talde armaginera, eta heldu zenetik 30 neurketa ofizial jokatu ditu eibartarrekin. Azken denboraldian 2.500 minutu baino gehiago eman ditu zelaian.
Eibarrek eskerrak eman dizkio Marco Morenori klubean egindako "lanagatik, eta izandako dedikazioagatik eta profesionaltasunagatik".
Morenok hasierako hamaikakoetan tokia izan zuen denboraldiaren zati handi batean, Hypermotion Ligan, lesio batek deialdietatik at utzi zuen arte txapelketaren azken zatian.
Talde armaginak "zorterik handiena" opa dio bere erronka pertsonal eta profesional berrian.
Zure interesekoa izan daiteke
Peru Nolaskoain: “Jokatzeko moduan ikusten dut nire burua”
Eibarrek puntu borrokatua eskuratu du Granadan (0-0)
Eibarrek zazpigarren garaipena jarraian lortu du, Albacete mendean hartuta (1-3)
Eibarrek garaipenen errekorra hautsi du eta lider dago Las Palmasi irabazita (3-2)
Seidlek hiru puntuak lortu ditu Eibarrentzat Sevillan (0-1)
Iñaki Goikoetxea: “Oso partida borobila egin dugu"
Eibarrek Eldense garaitu du, bigarren jarraitzen du eta bost garaipen jarraian daramatza (1-2)
Areitio kirol-hiria inauguratu dute, Eibarren
Eibarrek garaipen handia lortu du Balaidosen, Celta Fortuna aurkari, eta bigarren postuan jarraitzen du Hypermotion Ligan (0-4)
