Eibarrek porrota jaso du Espanyolen aurka eta irabazi gabe jarraitzen du
Eibarrek porrota jaso du Espanyolen aurka (1-2), Ipuruan jokatu duen Ligako 4. jardunaldiko partidan. Talde armaginak ez du garaipenik lortu oraindik, eta puntu bakarra bildu du lehen lau jardunaldietan.
Lehen zatia oso lehiatua eta parekatua izan da. Eibar izan da baloiaren jabe, eta agintzen ibili da, baina lehen abagunea Espanyolek izan du; Dmitrovic atezainak, ordea, perikitoen gola eragotzi du, Calleriren aurkako buruz burukoan garaile aterata. Talde armagina saiatu da abaguneak sortzen hegaletik egindako erdiraketen bitartez, baina ez du gol aukera argirik izan. Eibarren abaguneak lehen zatiaren azken txanpan etorri dira, Sergi Enrichek kanpora bidali duen erremate batekin, eta gutxigatik kanpora joan den Orellanaren jaurtiketa baten bitartez.
Bigarren zatian erasokorrago zelairatu dira bi taldeak, baina kosta egin zaie abaguneak sortzea. Hala ere, 58. minutuan, Eibarrek gola sartu du Ramisen bitartez (1-0). Orellanak falta atera, eta erdiko defentsak sare barrura bidali du errematea. Ondo bideratuta izan du neurketa talde armaginak, eta bigarren golaren bila jo du. Neurketako 76. minutuan, ordea, Espanyolek bigarren zatian izan duen lehen aukeran, partida berdindu du Ferreyraren golari esker (1-1). Hiru minutu beranduago, Bartzelonako taldeak emaitza irauli du, Granerok sartutako golarekin (1-2). Hiru minututan irauli du aurkako 1-0ekoa Espanyolek. Eibar berdinketa lortzen saiatu da azken minutuetan, baina porrota jaso du azkenean.
Fitxa teknikoa:
Eibar: Dmitrovic; Tejero, Arbilla, Ramis (Sergio Alvarez, 75. min), Cote; Orellana, Expósito (Escalante, 72. min), Diop, Inui; Charles eta Enrich (Quique Gonzalez, 80. min).
Espanyol: Diego Lopez; Xavi Lopez, Naldo, Calero; Darder, Victor, Marc Roca (Vargas, 66. min); Didac, Melendo (Pedrosa, 72. min), Ferreyra (Granero, 77. min), Calleri.
Golak: 1-0, 58. min, Ramis. 1-1, 76. min, Ferreyra. 1-2, 79. min, Granero.
Epailea: Pizarro Gomez. Txartel horiak atera dizkie Cote eta Exposito Eibarko jokalariei, baita Marc Roca eta Pedrosa Espanyoleko futbolariei. Espanyoleko Naldo egotzi du bi txartel horia aterata.
Zure interesekoa izan daiteke
Eibarrek Thirsa de Meester aurrelaria fitxatu du 2028ra arte
Belgikarra 23 urtez azpiko selekzioarekin aritu da, eta KRC Genk Ladies taldetik dator armaginen erasoa indartzeko.
Eibarrek Aitana Zumarraga atzelaria fitxatu du, 2027ra arte, eskuin hegala sendotzeko
Futbolari nafarra Alhama CF ElPozo taldetik ekarri dute. Amigo eta Mulier taldeetan hazi zen, baina batez ere ibilbide luzea izan du Osasunan, gorritxoekin 160 partida jokatu baitzituen sei denboralditan.
Anna Wellmann atezaina Eibarren arituko da 2026-2027 denboraldian, Bayern Munichek utzita
Atezain alemaniarrak, 31 urtekoa bera, bi aldiz irabazi du Bundesliga, eta, halaber, bere herrialdeko Kopan eta Superkopan ere izan da txapelduna. 2025-2026 denboraldian, Sporting Lisboan ibili da.
Jokin Aranbarri, Eibarren entrenatzaile berria
Entrenatzaile gipuzkoarrak Bilbao Athletic entrenatzen eman ditu azken bi urteak.
Beñat San Josek Eibarren entrenatzailea izateari utzi dio, eta Rayo Vallecanok fitxatu du
Gipuzkoako taldeko entrenatzaileak, duela bi aste, talde armaginarekin berritu zuen, baina Madrilgo taldearen entrenatzaile izango da, Iñigo Perezen ordez.
Angeles del Alamo, Eibarren aurrelari berria
Aurrelariak ehun partida baino gehiago jokatu ditu Espainiako futboleko maila gorenean.
Eibarrek 2027ra arte berritu du Juan Bernat
Talde armaginak eta Valentziako hegalekoak akordioa lortu dute kontratua denboraldi batez luzatzeko.
Rocio Candal: “Uste dut taldeak oso ondo amaitu duela denboraldia”
Eibarren Emakumezkoen Futboleko Arloko arduradunak, asteazkenean, amaitu berri den denboraldiaren gaineko balorazioa eman du. Candalek nabarmendu du klubaren asmoa dela proiektuari “jarraipena” ematea, hartzen ari den erabakiak eta dituen planak kontuan izanik.
Arene Altonaga, Eibarri agur esan ondoren: “Asko disfrutatu dut, eta oso zorte ona izan dut"
"Orangoz, ez dakit zer egingo dudan familiaz eta udaz gozatzeko", adierazi du Leioako jokalariak. Bizkaitarrak onartu du ama izateak pisu handia izan duela Eibar uzteko erabakian.
Cesar Palacios: “Datorren denboraldiari pazientziaz eta egonkortasunez ekitea oso garrantzitsua dela uste dut”
Cesar Palacios Eibar futbol taldeko kirol zuzendariak prentsaurrekoan hitz egin du denboraldiaren eta taldearen etorkizunaren balantzea egiteko. Adierazpenak, gaztelaniaz.