Eibarrek garaipen eroso batekin ekin dio 2016ari
Eibarrek 0-4 irabazi dio Betisi Benito Villamarinen eta 2016. urtea ezin hobeto hasi du. Talde armaginak bigarren garaipena jarraian lortu du, eta 27 punturekin Europako postuetara gerturatu dira.
Hasieratik jaun eta jabe izan da Jose Luis Mendilibarrek zuzentzen duen taldea eta hirugarren minutuan sartu du lehen gola (0-1), Caparen bitartez. Golak lasaitasuna eman dio Eibarri eta Betis ezinean ibili da. Armaginen nagusitasuna erabatekoa izan da, eta 17. minutuan Keko Gontanek 0-2koa ezarri du markagailuan. Armaginen aldeko 0-2ko emaitzarekin iritsi da lehia atsedenaldira.
Bigarren zatian Betisek aldeak murrizteko abaguneren bat izan du, baina Riesgo atezaina azaldu da andaluziarren golak eragozteko. Aukeraren bat izan duen arren, Betisek ez du Eibar estuasunetan jarri. Armaginak eroso ibili dira Benito Villamarineko berdegunean eta garaipena biribildu dute Adrianek 71. minutuan (0-3) eta Borja Bastonek 77. minutuan (0-4) sartutako golekin.
Fitxa teknikoa:
0 - Betis: Adan; Molinero, Pezzella, Jordi Figueras (Kadir, 70. min), Vargas; Petros, N'Diaye; Cejudo, Dani Ceballos (Portillo, 80. min), Vadillo (Jorge Molina, 46. min); eta Ruben Castro.
4 - Eibar: Riesgo; Capa, Pantic, Ramis, Antonio Luna; Escalante, Dani Garcia (Eddy Silvestre, 83. min); Keko Gontan, Adrian, Inui (Saul Berjon, 60. min); Sergi Enrich (Borja Baston, 76. min).
Golak: 0-1, 3. min: Capa. 0-2, 17. min: Keko Gontan. 0-3, 71. min: Adrian. 0-4, 82. min: Borja Baston.
Epailea: Eduardo Prieto Iglesias.
rieto Iglesias.Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.