Oscar de Marcos Athleticen talde teknikoan izango da, Edin Terzicek berak eskatuta
Guardiako futbolaria izan zen 573 partida jokatu zituen 2009 eta 2025 bitartean talde zuri-gorriarekin. Bilboko klubak orain zabaldu duenez, lan bikoitza izango du Lezaman: “jokalariak garatzea eta aldagelarekin konektatzea”.
Oscar de Marcos, Athleticeko futbolari bezala jokatu zuen azken partidan. Argazkia: Europa Press.
Oscar de Marcos Edin Terzic alemaniarrak zuzentzen duen Athleticen talde teknikoan izango da, Terzicek berak eskatuta, Bilboko klubak gaur bertan iragarri duenez. Guardiako futbolariak 573 partida jokatu zituen 2009tik 2025era bitartean talde zuri-gorriarekin. Bilboko klubak orain zabaldu duenez, lan bikoitza izango du Lezaman: “jokalariak garatzea eta aldagelarekin konektatzea”.
De Marcos, Terzicen iritziz, “teknikari laguntzaile egokia” izango da, “bai jokalarien banakako eta taldeko garapenerako, bai taldearekiko egokitzapen eta konexio prozesuan”, Athleticen arabera.
Halaber, Athleticek iragarri du beste bi teknikari iritsiko direla klubera: Sebastian Geppert eta Peter Gaydarov. Geppert analisien arduradun izango da; Borussia Dortmunden aritu zenean, Terzicen konfiantza osoa izan zuen. Gaydarov, ordea, Bayern Munichen harrobian ibilitakoa da, eta “entrenamenduen arduraduna eta jokalariek Lezaman izango duten trantsizioaren arduraduna” izango da.
Zuri-gorriak uztailaren 6an bueltatuko dira lanera, Lezaman, ohikoak izaten diren azterketa medikoak eta fisikoak egitea helburu, eta hilaren 8an egingo dute lehen entrenamendua.
Zure interesekoa izan daiteke
Astralaga, Gara, Amaia Martinez, Artero eta Iribarren Athleticera itzuliko dira, utzita ibili eta gero
Iragan denboraldian F Ligako taldeetan utzita jokatu zuten bost jokalariek. Guztiek, Amaia Martinezek izan ezik (2028), 2027ra arte dute kontratua.
Unai Simon, Munduko Txapelketako lehen partida jokatuta, selekzioetako lau txapelketa handitan ibilitako Athleticen lehen futbolaria da
Atezain murgiarrak 2020ko Eurokopa (2021ean izan zen hori), 2022ko Munduko Txapelketa eta 2024ko Eurokopa jokatu zituen, eta, 2026ko Munduko Txapelketa kontuan izanik, selekzioetako lau txapelketa handi daramatza. Halaber, 2021ean, 2020ko olinpiar jokoetan ere aritu zen.
Athleticek Patricia Zugasti berritu du 2026-2027 denboraldirako
2023ko udan ailegatu zen Lezamara Riezuko aurrelaria, CA Osasunatik.
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Javi Lerga ez da Athleticen entrenatzaile izango aurrerantzean
Nafarrak denboraldi bat eman du klub zuri-gorriaren lehen taldea entrenatzen.
Jon Uriarte, Athleticen gizonezkoen taldeak 2025-2026 denboraldian egindakoaz: “Etsigarria izan da”
Bilboko klubearen presidenteak eta Mikel Gonzalez Futboleko zuzendariak agerraldia egin dute, asteartean, San Mamesen, denboraldiaren gaineko hausnarketa egitea helburu. Uriartek eta Gonzalezek, Athleticen lehen taldeak egindakoaz gain, Edin Terzic entrenatzaile berria eta Nico Williams ere izan dituzte hizpide, besteak beste.
Jon Uriarte: “Saiatu behar gara dugun talentua bertan gera dadin”
Jon Uriarte Athleticen presidenteak taldeak egindako denboraldiaren balorazioa egin du astearte honetan, prentsaurrekoan. Aurreikusitakoa baino sasoi okerragoa egin dutela onartu du.
Irene Oguizak Athleticekin berritu du, 2029ra arte
Klub zuri-gorriaren lehen taldeko kapitainak hiru urtez luzatu du bere kontratua. Oguizak zazpi denboraldi daramatza goreneko mailan, Athleticen denak, eta, epe horretan, 113 partida ofizial jokatu ditu, 14 gol sartuta.
Unai Egiluzi beste ebakuntza bat egin diote eskuin belaunean
Orain dela hamar hilabete egindako ebakuntzan jarritako mentua ordezkatu diote, entrenamendu batean hautsi egin zitzaiolako.