Athleticek Txapeldunen Ligako lehen puntuak eskuratu nahi ditu Dortmunden
Athleticek Borussia Dortmund izango du aurkari, Signal Iduna Park futbol zelaian, asteazkenean, 21:00etan, Dortmunden, Alemanian, 2025-2026 denboraldiko Txapeldunen Ligako liga faseko bigarren jardunaldian. Partida horretan, euskal taldearen helburua da txapelketan aurreneko puntuak eskuratzea; izan ere, lehenengo jardunaldian, San Mamesen, Arsenalen aurka, Londresko taldea 0-2 gailendu zen. Borussia Dortmundek, ordea, puntu bat du sailkapenean; lehen jardunaldian 4-4 berdindu zuen, Turinen, Juventusen kontra.
Ernesto Valverderen gizonak bolada txarrean dabiltza, behintzat emaitzei dagokienez. Irailean, Athleticek hiru neurketa galdu ditu EA Sports Ligan: San Mamesen, Alavesen aurka (0-1), Mestallan (2-0) eta Vila-realen (1-0); Gironaren kontrako norgehiagokan, Bilbon, bana egin zuen. Arestian esan bezala, Arsenalek ere lortu zuen irabaztea San Mamesen, eta, horrenbestez, zuri-gorriek bost partida daramatzate garaipena erdietsi gabe. Abuztuan, ordea, ondo ekin zioten denboraldiari, EA Sports Ligan hiru partida irabazita (Sevillaren, Rayo Vallecanoren eta Betisen aurka).
Bost neurketa horietan, Athleticek gol bakarra sartu du; hain zuzen ere, Mikel Jauregizarrek Gironari sartu ziona. Gainera, hainbat jokalari dabiltza min hartuta; zelai erdian, Ernesto Valverdek lehen taldeko hiru gizon ditu prest, Jauregizar, Iñigo Ruiz de Galarreta eta Alejandro Rego, larunbatean Mikel Vesga lesionatuta irten baitzen Ceramica futbol zelaitik.
Astelehenean, Nico Williams gainerako taldekideekin batera ibili zen, baina jokatu ezinik jarraitzen du, bai eta Alex Berenguerrek ere. Hori bai, Aymeric bueltatu da taldera; erdiko atzelaria 2014-2015 denboraldiko Txapeldunen Ligan ere aritu zen Athleticekin. Valverdek Bilbao Athleticeko bi gazte deitu ditu: Ibon Sanchez erdilaria eta Adrian Perez aurrelaria.
Borussia Dortmundek ez du partidarik galdu, oraingoz, denboraldian
Aurrean, Borussia Dortmund izango da. Alemaniako taldeak ez du partidarik galdu, oraingoz, denboraldi honetan. Bundesligan, Niko Kovacen taldeak hamahiru puntu lortu ditu bost partidatan, lau garaipen eta berdinketa bat izan dituela, eta Txapeldunen Ligan, Juventusen zelaian, launa egin zuen, partida ikusgarri batean.
2024-25 denboraldian, laugarren postua eskuratu zuen Bundesligan Borussia Dortmundek. 1996-97an, Txapeldunen Liga irabazi zuen Dortmundeko taldeak, eta Alemaniako Liga zortzi aldiz bereganatu du, bai eta bost Kopa ere, 2021ean azkena. Asteazkenerako, Niko Kovacek espero du Serhou Guirassy golegilea bueltatzea, asteburuan azken orduko baja izan zen eta; Guirassy oso trebea da aurkariaren arean, eta Borussia Dortmundek, halaber, beste baliabide bikain bat du erasoan: Karim Adeyemiren abiadura eta abilezia.
Aurreikuspena da giro bikaina izango dela Signal Iduna Parken. 81.000 ikusletik gora sartu ahal dira bertan, eta horietako ia 4.000 Athletici emango diote hauspoa, Bizkaiko taldeak aurtengo Txapeldunen Ligan jokatuko duen lehenengo norgehiagokan.
Borussia Dortmund-Athletic: urriak 1, asteazkena, 21:00etan
Balizko hamaikakoak:
Borussia Dortmund: Kobel; Anton, Schloterbecj, Bensebaini; Yan Couto, Sabitzer, Nmecha, Svensson; Adeyemi, Beier; Guirasy.
Athletic: Unai Simon; Areso, Vivian, Laporte, Yuri; Ruiz de Galarreta, Jauregizar; Iñaki Williams, Sancet, Unai Gomez eta Guruzeta.
Epailea: Szymon Marciniak (Polonia).
Zure interesekoa izan daiteke
Urko Izeta: "Taldea desanimatuta dago"
Athleticek 2-1 galdu du Sevillaren aurka jokatutako partidan, eta 5 puntura ditu jaitsiera postuak.
Iparra galduta jarraitzen du Athleticek Ligan (2-1)
Navarrok aurretik jarri ditu zuri-gorriak, baina Pequek eta Akorrek buelta eman diote markagailuari, eta Sevilla nagusitu da azkenean.
Valverde: "Athletic denboraldiko une erabakigarrian dago"
Athleticeko entrenatzaileak aitortu duenez, LaLigako sailkapenean duten egoera kontuan izanda (erdialdean, hamar taldeko multzoan ), eta bizirik Txapeldunen Ligan eta Errege Kopan, "denboraldiko une erabakigarrian" daude.
Valverde: "Nahikoa arriskatu dugu eta ondo atera zaigu; ea San Mamesen lor dezakegun"
Ernesto Valverde Txapeldunen Ligan Atalantaren aurka lortutako garaipenaren ondoren agertu da prentsaurrekoan. Adierazi duenez, garaipena "izugarrizko poza" ekarri die klubari eta ingurukoei, eta Sporting CP taldearen aurka San Mamesen gau magikoa izatea espero du.
Unai Gomez: “Taldeak behar zuen garaipena, eta azkenean gure esku dago sailkapena”
Unai Gomez erdilaria pozik atera da Atalantaren aurkako partidaren ondoren. Beharrezko garaipena zuten Bergamokoa, eta eskerrak eman dizkie zaleei.
Atalanta eta Athleticen arteko Txapeldunen Ligako partidaren laburpena (2-3)
Athleticek 2-3 irabazi dio Atalantari Bergamon. Valverderen taldeak, asko sufritu ostean, Scamaccaren gola irauli dute Guruzeta, Serrano eta Navarroren golei esker.
Javi Lerga: “Bartzelona bezalako talde baten aurka jokatzen duzunean, beti faltako zaizu zerbait”
Athleticek galdu egin du Superkopako finalerdian, 3-1, baina talde zuri-gorriaren entrenatzaileak adierazi du “oso harro” dagoela futbolariek egindako lanarekin.
Athleticek atsedenaldian itxura oso txarra zuen neurketa irauli eta aukerekin jarraitzen du (2-3)
Scamaccak italiarrak aurretik jarri ditu, zuri-gorriak eskas ibili diren lehen zatian. Atalanta erabat nagusi izan da atsedenaldira arte. Aldageletatik bueltan, ordea, lehoiak suspertu egin dira eta markagailua irauli dute, besteak beste, Navarroren lan bikainari esker: bi asistentzia eta gol bat.
Athletic aurretik jarri da Bartzelonaren aurka, Superkopako finalerdian, baina ezin izan du hamar jokalariren kontra (3-1)
Nerea Nevadok, penaltiz, 0-1ekoa sartu du lehen zatian, eta Bartzelonak markagailua irauli du atsedenaldira joan aurretik; bigarren zatian, zuri-gorrien aurkaria hamar jokalari izan dituela aritu bada ere, Javi Lergaren taldeak ezin izan du arriskurik sortu.
Ruiz de Galarreta: "Partida oso fisikoa espero dugu, kristoren taldea da eta neurketa oso zaila izango da"
Hala ere, erdilari zuri-gorriak uste du "sentsazio onak berreskuratzeko toki aproposa dela ere, taldeak partida ona egiten badu eta puntuak lortzen baditugu, horrek indarra emango digulako".