Chivasek Gernikako Arbola Saria eskuratu du penaltietan Athletic garaituz
Guadalajarako Chivas taldeak irabazi du Gernikako Arbola Saria, penaltietan Athletici 4-2 irabazita, mexikarrek joaneko partidako emaitza berdindu ostean, Pavel Perez eta Yael Padillaren golei esker.
Joaneko partidan, Athletic 2-0 nagusitu zen San Mamesen, Alex Berenguer eta Oihan Sanceten golei esker. Ondorioz, abantaila zuen itzulerako partidari begira.
Euskaldunak partidaren eta jokoaren jaun eta jabe izaten hasi dira, aurkariaren areara iristeko presa handirik gabe. Hala ere, mexikarrak izan dira norgehiagokako lehen aukera izan dutenak, Unai Simon proban jarriz aldaratze batean. Are gehiago, etxekoek presioa egiten eta lehoiak estutzen jarraitu dute hurrengo minutuetan.
Eta presio horrek eragina izan du 16. minutuan. Chivasek ezker hegaletik zuzendutako eraso bat erdiraketa batean amaitu da, eta Pavel Perezek gola erraz sartu du penalti puntutik (1-0).
Chivasek bere jokoarekin jarraitu du eta Erick Gutierrez baloia sarera bidaltzeko aukera izan du area kanpotik egindako ezkerkada batekin, baina bere saiakera kanpora joan da gutxigatik. Athleticek kanpora joan den beste jaurtiketa batekin erantzun du.
Atsedenaldira joan aurretik, Athletic suspertu egin da eta arrisku gehiago sortu du hegaletik egindako hurbilketekin, baina markagailua ez da mugitu.
Aldageletatik bueltan, Athleticek hamaikakoa erabat aldatu du, beste txinparta batekin zelairatu da eta protagonismo handiagoa hartu du. Baina aurkariaren zelaian asmatu gabe jarraitzen zuen, eta Guadalajarakoek abantaila handitzeko aprobetxatu dute.
Brigidoren pasea Yael Padillarentzat, area barrura sartu dena, atezainari aurre egin dio eta jaurtiketa gurutzatu batekin partidako bigarrena sartu du (2-0).
Bilbotarrek saiatzen jarraitu dute azken unera arte, baina gauzak zaildu egin zaizkie Alex Berenguerrek txartel gorria ikusi duenean. Partidak ez du gehiagorako jo eta, 2-2ko emaitza orokorrarekin, penaltietan erabaki behar izan da.
11 metroetatik, Chivasekoek jaurtitako lau penaltiak sartu dituzte, eta Athleticek bi baino ez ditu sartu, Raul Garciaren eta Unai Vencedorren hutsegiteen ostean. Beraz, Guadalajarako Chivasek Gernikako Arbola Saria eskuratu du.
Zure interesekoa izan daiteke
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Athleticek talentu gazteari esker lortu du garaipena
Athleticek 0-2 irabazi dio Madrid CFFri, Liga F Moeveko 14. jardunaldian, Fernando Torres zelaian jokatutako neurketan. Elene Gurtubayk ireki du markagailua, eta Daniela Agotek sartu du bigarren gola partidako emaitza itxiz. Garaipen honi esker, Athletic sailkapenaren erdialdetik gora kokatu da.
Ernesto Valverde: "Celtak beti sortzen dizkigu arazoak; atera iristea eta zehatzagoak izatea falta zaigu"
Ernesto Valverdek prentsaurrekoa eman du igande honetan jokatuko duen Celtaren aurkako partidari begira. Adierazi duenez, taldea ondo dago, baina partida zaila izango da eta, Laporteren lesioa dela eta, Iker Monrealek jokatuko du. (Bideoa gazteleraz)
Iñigo Ruiz de Galarreta: "Talde guztiaren lanarekin lortu dugu atea hutsean mantentzea"
Ruiz de Galarreta pozik agertu da taldeak egindako lanarekin.
Txapeldunen Ligako seigarren jardunaldiko Athletic-PSG (0-0) neurketaren laburpena
Athleticek eta PSGk golik gabe berdindu dute San Mamesen, Txapeldunen Ligako seigarren jardunaldian, Valverderen taldeak lan bikaina egin du defentsan. Unai Simonek Europako txapelduna geldiarazi du, eta talde zuri-gorriari Europako txapelketa nagusian bizirik mantentzen duen puntu bat eman dio.
Athleticek ederki defendatu eta puntu bat bildu du Europako txapeldunaren aurka (0-0)
Unai Simon ikusgarri batek PSG geldiarazi du San Mamesen, eta, horri esker, talde zuri-gorriak meritu handiko puntua lortu du.
Laportek giharretako lesio "larria" du, eta 2026ra arte ez du berriro jokatuko
Diagnostiko honekin, atzelariak Valverderen taldeari urtea bukatzeko geratzen zaizkion lau neurketak galduko ditu, Txapeldunen Ligakoa PSGren aurka, Ligako biak, Celta eta Espanyolen kontra, eta Kopako kanporaketa Ourenseren aurka.
Yuri Berchiche: ''Niretzat PSGren aurkako partida oso berezia izango da''
"Egin behar dugunaren adibiderik onena Atleticoren aurkako larunbateko partida da. Hori da denok ikusi nahi dugun Athletic. Horrela zelairatzen bagara, partida irabazteko aukera gehiago izango ditugu", azpimarratu du atzelariak San Mamesen eskaini zuen prentsaurrekoan.