2.200 eserlekuko animazio-harmaila egiteko plana aurkeztu du Athleticek
Athletic Clubek San Mamesen 2.200 eserlekuko animazio-harmaila berri bat eraikitzeko egitasmoa aurkeztu du. Egungo Iparreko Beheko Harmailan kokatuko litzateke, eta abenduaren 27an egingo den Batzar Nagusian bazkide konpromisarioek oniritzia emango baliote, prest egon liteke 2022. urtearen hasierarako.
Planaren berri Aitor Elizegi presidenteak eta Jorge Gomez zuzendariak eman dute astelehen honetan. Zehaztu dutenez, lanek 3,5 milioi euro inguruko kostua izango lukete
Egitasmoaren egilea Cesar Azcarate arkitektoa da, hots, 2013an inauguratutako futbol-zelai berria proiektatzeaz arduratu zena.
Proiektua aurkezteko egindako ekitaldian, bideo bat erakutsi dute, eta bertan Azcaratek azaldu duenez, "estadioaren egitura nagusiari eragiten ez dion lan xumea da", harmaila bi mailatan banatzean datzana.
Behealdean, 1. eta 14. ilaren artean, animazio-harmailetako 2.200 zale horiek egongo lirateke segurtasunezko zutikako besaulkietan (safe standing, ingelesezko esamoldean). Goiko aldean, berriz, 15. eta 25. ilaren artean, gaur egun dauden bezalako eserlekuak egongo lirateke. Bi guneek sarbide eta zerbitzu independenteak izango lituzkete.
'Safe standing' erako eserlekuak egongo dira lehendabiziko ilaretan (1. ilaratik 14.era). Argazkia: Athletic Club
Ikusleen ikusmen ona bermatzeko, "harmailaren lehen lerroak aurreratzea" aurreikusi da, "soropilarekiko baino 5,5 metroraino", hau da, gaur egun baino bi metro gertuago, eta horrek "goiko aldeko ikusleen ikusmena bermatuko du, nahiz eta animazio harmailakoak zutik egongo diren partidak irauten duten bitartean".
Aldaketa horiek ez liokete eragingo harmailaren egungo edukierari, 4.188 eserlekuri eutsiko liokeelako.
Proiektua aurrera ateratzen bada, lanak "2021eko uztailean edo abuztuan" hasiko lirateke, Eurokoparen ondoren, San Mamesen jokatzekoak diren 2021eko Eurokoparen ostean. Ondorioz, zonalde horretako bazkideak zelaiko beste zenbait tokitara lekualdatu behartuko dituzte, Athleticek hurrengo denboraldian etxean jokatuko dituen lehen partidetan, lanak irauten duten bitartean.
"Harmaila berriaren helburua San Mameseko animazioaren motorra indartzea da, egun dauden gune guztiak bilduz. Joera hori gero eta gehiago erabiltzen da Europako estadio handietan, giro handiagoa sortzen dutelako estadioan ", azpimarratu du Elizegik.
ANIMAZIO-HARMAILA AURKEZTEKO BIDEOA:
Zure interesekoa izan daiteke
Athleticek dotore ekin dio Ligari, Badalona garaituta (3-1)
Athletic 3-1 nagusitu da igande honetan Badalonaren aurka Lezaman jokatu den F Moeve Ligako lehen jardunaldiko partidan. Victor Marin bikain estreinatu da zuri-gorrien aulkian. Pinedok, Azkonak eta Amezketak egin dituzte etxekoen golak.
Terzicek ez du “distrakziorik" nahi jokalariek klubarekin duten gatazkagatik
Edin Terzic Athleticeko entrenatzaileak azpimarratu du ez duela "zelaian distrakziorik" nahi Celtaren aurka, bere futbolariek klubeko agintariekin duten gatazkaren ondorioz, osteguneko Bartzelonaren aurkako partidaren ondoren jakin zena.
Athleticeko jokalariak ez ziren hedabideen aurrean agertu Bartzelonan “klubeko barne arazo batengatik"
Athleticeko agintariek klubeko langileei (lehen taldeko kideei, besteak beste) San Mameseko partidetarako gonbidapenak kentzea erabaki ondoren gertatu zen. Ligak Athletic zigortuko du, jokalariak prentsaren aurrean agertzera behartuta baitaude.
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.