Athleticek porrota jaso du Celtaren aurka
Athleticek porrota jaso du Celtaren aurka (0-2) San Mamesen. Talde zuri-gorriak bi partida jarraian zeramatzan galdu gabe, eta bolada horri amaiera eman dio. Bigarren zati kaskarra jokatuko du talde bizkaitarrak eta egin dituen hutsak garesti ordaindu ditu.
Norgehiagoka hasi eta lasterrean Murillo Celtako jokalariak eskuarekin jo du baloia area barruan, baina epaileak ez du penaltia adierazi kolonbiarrak lehenengo baloia hankarekin jo duelako. Ondoren, Celtak izan du abagunea, baina Unai Simon atezainak desbideratu egin du Santi Minaren jaurtiketa. Athleticek azkar erantzun du; Williamsek erdiraketa egin du eskuin hegaletik eta Muniainen errematea kanpora joan da oso gutxigatik. Norgehiagoka parekatua izan da hasierako minutuetan, eta 17.ean talde bisitaria gola sartzetik gertu egon da, nahiz eta Olazaren jaurtiketak ez duen atea aurkitu. Lau minutu beranduago, Vesgaren saiakera kanpora joan da area kanpotik egin duen jaurtiketaren ondoren.
Lehen zatiaren erdialdera arte neurketaren erritmoa bizia izan da eta bi taldeek izan dituzte gola sartzeko aukerak. Hala ere, atsedenaldira iritsi aurreko azken 20 minutuetan Athletic eta Celta ez dira gai izan abagune argiak sortzeko eta partida golik gabe heldu da atsedenaldira.
Berenguerrek izan du gola sartzeko aukera bigarren zatiaren hasieran, baina jokalari nafarrak area barrutik egin duen jaurtiketa kanpora joan da. Ondoren, Celtak gola sartu du, baina epaileak baliorik gabe utzi du Iago Aspas jokoz kanpo egon delako. Hala ere, hurrengo jokaldian, Celtak berriz zulatu du Athleticen atea Hugo Malloren bitartez (0-1) eta gol hau balekoa izan da.
Gola jaso ostean, zuri-gorriek erasora jo dute, baina ezin izan dute abagune argirik sortu. Partidako 78. minutuan, Unai Simonek huts egin du eskuarekin pasea ematerakoan, Brais Mendezek baloia jaso, baloia area barruan jarri eta Aspasek 0-2koa sartu du.
Celtaren bigarren golak erabakita utzi du norgehiagoka, Athletic ezinean ibili da azken minutuetan, eta Vigoko taldeak eskuratu ditu hiru puntuak.
Fitxa teknikoa:
0 - Athletic Club: Unai Simon; Capa, Yeray, Unai Nuñez, Yuri (Balenziaga, 46. min); Vencedor (Unai Lopez, 62. min), Vesga; Williams (Morcillo, 79. min), Muniain (Sancet, 79. min), Berenguer; eta Villalibre (Raul Garcia, 62. min).
2 - RC Celta: Rubén Blanco; Hugo Mallo, Nestor Araujo, Murillo, Olaza; Tapia; Brais Mendez (Miguel Baeza, 91. min), Denis Suarez, Nolito (Aidoo, 71. min); Iago Aspas (Fran Beltran, 88. min) eta Santi Mina.
Golak: 0-1, 61. min: Aspas. 0-2, 78. min: Aspas.
Epailea: Jorge Figueroa Vazquez. Txartel horiak atera dizkie Unai Nuñez (26. min) eta Vesga (84. min) Athleticeko futbolariei, baita Murillo (53. min) Celtako jokalariari.
Zure interesekoa izan daiteke
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".