Athleticek galdu egin du garaipenik lortu gabe zegoen Valladolidekin (2-1)
Athleticek galdu egin du denboraldi honetako lehen garaipena lortu duen Valladoliden etxean. Sergio Fernandezen taldeak kontrolpean izan du partida, baina azken minutuan, Athleticen presioaren ondorioz, sufritu egin du.
20. minutua betetzean izan denean, Remirok baloiaren kontrola galdu du eta Marcos André bakar bakarrik geratu da bere aurrean. Atezain bilbotarrek falta egin behar izan dio gola ekiditeko. Epaileak penaltia adierazi du eta Orellanak aurretik jarri du Valladolid markagailuan.
Bilbotarrek ez dute etsi eta erasora jo dute, baina Valladolid serio aritu da defentsan. Gol aukera oso gutxi izan dira eta azkenean atsedenaldira 1 eta 0ekoarekin iritsi dira.
Sergi Gonzalezen taldeak aldea handitzeko asmoarekin zelairatu da bigarren zatian eta ahaleginak saria izan du. Oscar Planok jokaldia egin du ezkerreko aldetik eta Marcos Andrek baloia jaso eta lehoien atean sartu du, 2-0.
Garitanoren taldeak erasora jo du eta 85. minutuan epaileak penaltia adierazi du bizkaitarren alde Luis Perezek Yuriri area barruan falta egiteagatik. VAR laguntzaile teknikoak penaltia konfirmatu eta Williamsek 2 eta 1ekoa jarri du markagailuan. Baina ez da gehiagorako denborarik izan; azkenean, 2-1, Athletic galtzaile.
Fitxa teknikoa:
2 - Valladolid: Masip; Hervías (Luis Pérez, 58. min), Joaquín, Bruno, Nacho; Orellana (Waldo, 68. min), Alcaraz, Fede San Emeterio, Óscar Plano (Raúl Carnero, 81. min); Marcos André (El Jamiq, 81. min), Guardiola.
1 - Athletic: Unai Simón; Capa, Yeray, Íñigo Martínez, Yuri Berchiche; Dani García (Vesga, 53. min), Unai López (Zarraga, 74. min); Muniain (Sancet, 74. min), Raúl García (Villalibre, 53. min), Morcillo (Berenguer, 53. min); Williams.
Golak: 1-0, 19. min: Orellana, penaltiz. 2-0, 48. min: Marcos André. 2-1, 85. min: Williams, penaltiz.
Zure interesekoa izan daiteke
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.
Carmelo Cedrun Athleticeko atezain mitikoa zendu da
Carmelok Liga eta Kopa irabazi zituen euskal klubean, eta hamalau denboraldi eman zituen Bilboko taldean, 1950-1951 denboralditik 1963-1964 denboraldira bitartean. Guztira, 404 partida jokatu zituen Athleticekin; Raimundo Perez Lezamaren lekukoa hartu zuen, atepean, eta Jose Angel Iribarrek jaso zuen berea. 95 urte zituela hil da.
Maite Zubietak Atletico Madrilekin sinatu du 2028ra arte
Bizkaitarra Athleticen eman ditu azkeneko lau denboraldiak, 103 partida jokatuta.
Mikel Gonzalezek kontratua berritu du, eta Athleticen futbol zuzendari izaten jarraituko du 2030era arte
González 2022ko azaroan sartu zen karguan, Jon Uriarte presidentearen eskutik.