Athleticek puntu bat lortu du Berlinen, sufrituta
Athletic Club eta Hertha BSC taldeek puntu bana eskuratu dute golik gabeko norgehiagoka jokatuta, baina bi taldeek hiru puntuak poltsikoratzeko moduko aukerak izan dituzte; Athleticek, lehen zatian, Iker Munianen oinetan bereziki, eta Herthak, berriz, bigarrenean, Salomon Kalouren aukeren bidez.
Lehoiak Europa Ligako Multzoen Fasera sailkatu dira beste behin, aurreko kanporaketetan Dinamo Bukarest eta Panathinaikos atzean utzita. J multzoan daude, itxura guztien arabera, multzo errazenetakoa izan daitekeenean; haatik, lehen partida Berlingo Estadio Olinpikoan (Olympia Sstadion) jokatzea egokitu zaio, Hertharen etxean, lehiaketa honetako lehen fase honetan topatuko duen arerio zailenaren etxean, alegia.
Zigandaren mutilek kontrolpean izan dute jokoa partidaren hastapenean. Baloia eurena izan da, Iker Munianek bere taldea ondo gidatu du lehen partean, eta zuri-gorriak aurkariaren atera begira jarri ditu. Etxekoak ez dira ia iritsi Athleticen areara. Bi taldeek aukera urriak izan dituzte, eta hasi bezala joan dira aldageletara.
Alabaina, bigarren zatia erabat aldatu da, eta baloia izatetik alemanen hegaletako joko azkarra pairatzera pasatu dira bilbotarrak; izan ere, Salomon Kalouren abiadura azkarrak min asko egin die ezkerretik atzelari zuri-gorriei. Horrela, bigarren zatiko lehen 15 minutuetan, asko sufritu dute bisitariek, baina Iago Herrerinek bertan behera utzi ditu Hertharen abagune garbiak.
Athleticek Berlinen atera duen hamaikakoa, tartean Herrerin. Argazkia: EFE
Datuek horrela adierazi dute: lehen 45 minutuetan, etxekoak ez dute jaurtiketarik egin Athleticen atera; gero, ordea, bigarren zatiko lehen 20 minutuetan, lau aldiz jaurti dute hiru zutoinen artean. Bereziki garbia izan da minutu berean Ibisevicek eta Kalouk izan dituzten aukerak.
Estuasun handiko minutu horiek igarota, bi taldeek ontzak jo dute une horretan esku artean zuten puntua, eta gehiegi ez arriskatzea erabaki dute. Lehiako jokaldi polemikoa 80. minutuan heldu da, Aymeric Laportek egin duen balizko penalti batekin, baina Eslovakiako epaileak ez du ezer adierazi. Azkenean, puntu banaketa. Emaitza horrekin, Athleticek bost partida jarraian jokatu ditu golik jaso gabe.
Fitxa teknikoa:
0 - Hertha: Kraft; Pekarik, Langkamp, Rekik, Plattenhardt; Darida, Lustenberger; Kalou (Haragouchi, 85. min), Duda, Weiser; Ibisevic (Leckie, 76. min).
0 - Athletic Club: Iago Herrerin; Lekue, Etxeita, Laporte, Balenziaga; San Jose, Vesga; Córdoba (Raul Garcia, 72. min), Williams (Susaeta, 85. min), Muniain (Aketxe, 90. min); Aduriz.
Epailea: Ivan Kruzliak (Eslovakia). Txartel horiak: Weiser, Vesga eta San Jose.
Zure interesekoa izan daiteke
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.