Athletic, final-laurdenetatik gertu (2-4)
Athleticek bideratuta utzi du Kopako final-laurdenetarako txartela, final-zortzirenetako joaneko neurketan 2-4ko emaitzarekin Celtari irabazita. Ez da joko aldetik partida ona izan, baina emaitzak hurrengo kanporaketatik gertu jarri du taldea.
Intentsitate handikoa izan da neurketaren hasiera. Zuri-gorriek estreinatu dute markagailua 5. minutuan Mikel San Josek sartutako golari esker. Falta jaurtiketa batean, buruz ukitu du Adurizek baloia, Etxeitari eskuan eman dio (nahi gabe) eta San Josek saretara bidali du.
Bost minutu geroago, banakoarena egin du Alex Lopezek boleaz Iago Herrerin gaindituta. Baina 15.ean markagailuan aurretik jarri da berriro ere Valverderen taldea, geldikako jokaldian. Susaetak atera du falta, Etxeitak bigarren zutoinean jarri du, eta Aritz Adurizek buruz egin du 1-2koa. Celta bigarrena sartzen saiatu da, baina bilbotarrek ondo defendatu dute, eta bigarren zatiari gol bateko errentarekin egin diote aurre.
Partidak intentsitatea galdu du bigarren zatiaren hasieran, baina Celtak norgehiagoka berdintzea lortu du, 53.ean, atzelari zuri-gorrien akatsa baliatuta. Charlesena izan da.
Handik gutxira, 2-3koa egiteko zorian izan da Laporte, eta 60.ean Susaetak ez du kale egin eta Athleticen hirugarrena egin du. Eibartarrak gol ederra sartu du Xabi Etxeitaren pasea saretara bidalita.
70.ean bigarren txartel horia erakutsi dio epaileak Costasi eta Celta hamarrekin geratu da. Hala ere, talde zuri-gorriak ez du aurkaria zigortu, baina penalti puntutik norgehiagoka erabakita utzi du. Aritz Adurizek ez du hamaika metroetatik huts egin.
Itzuliko partida San Mamesen jokatuko da hurrengo asteazkenean, urtarrilaren 14an (20:00etan).
Fitxa teknikoa:
2 - Celta: Ruben Blanco; David Costas, Cabral, Sergi Gomez, Jonny; Borja Fernandez, Augusto Fernandez (Radoja, 80'), Alex Lopez (Hernandez, 82'); Orellana (Santi Mina, min.59), Planas y Charles.
4 - Athletic Club: Herrerin; Iraola, Etxeita (Gurpegui, 83'), Laporte, Balenciaga; San Jose, Mikel Rico (Iturraspe, 85'); Susaeta, De Marcos, Muniain (Viguera, 76'); Aduriz.
Golak:
0-1 San Jose, 4';
1-1 Alex Lopez, 10';
1-2 Aduriz, 14';
2-2 Charles, 54';
2-3 Susaeta, 60';
2-4 Aduriz (p), 86'
Zure interesekoa izan daiteke
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.