Getaferi irabazi eta bolada onean jarraitzen du Athleticek (1-2)
Athleticek beste garaipen bat erdietsi du, sufrituta, hori bai, eta dagoeneko sei partida daramatza porrotik jaso gabe (lau garaipena eta bi berdinketa). Azken 18 puntuetatik 14 lortu dituzte bilbotarrek.
Lehen zatian jaun eta jabe izan da Athletic. Bilbotarrak bikain aritu dira defentsan, eta baloiaren jabetza errekuperatzeko garaian. Ondorioz, Getafek arrisku oso gutxi sortu du Iraizozen arean.
Hala ere, ez da gol aukera argirik izan. Athleticek erraz egin du gora, baina azken metroetan asmatzea falta izan zaio.
Beñat eta Aduriz saiatu dira, baina gola Mikel San Josek egin du. Igorrekoaren erdiraketa buruz jo eta baloia Guaitaren atean sartu du.
Atsedenaldiaren ostean, Baba Diawara berdinketa lortzear izan da, baina Iraizozek erantzun bikaina eman dio, gola galarazita.
Athletic erdi lo egon da momentu horretan, kontraerasoan ateratzeko aukeraren zain. Orduan Contrak Pedro Leon atera du zelaira, azken partida jokatu zuenetik ia sei hilabete pasa direnean.
20 minutu eskas eman ditu zelaian, baina buruko min bat baino gehiago sortu du Athleticen atzeko aldean.
Hala ere, Leon ez da nahikoa izan Getafek markagailua iraultzeko. Lehen zatian egindako joko negargarriak min handia egin die madrildarrei.
Beñaten gola eta azken minutu zoroak
Athleticek, aldiz, bigarren gola egin du, momenturik egokienean, Beñaten bidez. 89. Minutuan egin du gola Igorrekoak. Hala ere, minutu bat geroago Lafitak aldea murriztu du eta urduritasuna izan da nagusi partidaren amaieran.
Azken minutu zoro horietan, Contraren taldea berdinketa lortzear izan da, baina Velazquezen erremateario erantzun ona eman dio Iraizozek. Azkenean, bilbotarren garaipena. Txapeldunen Ligan lortutako garaipenaren ostean, San Joseren eta Beñaten golek amaiera bikaina eman diote bizkaitarren asteari.
Fitxa teknikoa:
1.- Getafe: Guaita; Arroyo, Naldo, Velázquez, Escudero; Lacen, Míchel; Sarabia, Sammir (Lafita, min. 53), Diego Castro eta Babá (Pedro León, min. 71)
2.- Athletic: Iraizoz; De Marcos, San José, Laporte, Balenziaga; Mikel Rico (Gurpegui, min. 72), Iturraspe; Beñat (Moran, min, 90), Unai López (Ibai, min. 66), Muniain; eta Aduriz.
Golak: 0-1, min. 36: San José; 0-2, min. 89: Beñat; 1-2, min. 90: Lafita.
Zure interesekoa izan daiteke
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.