BATEren aurka berdinketa lortzearekin nahikoa du Athleticek
Athleticek bere aurreneko garaipena eskurtu du Txapeldunen Ligan Shaktarri irabazita (0-1). Talde bizkaitarrak nahikoa du, BATE Borisoven aurka, berdinketa lortzearekin Europa Ligara sailkatzeko.
Zuri-gorriek irudi ona eskaini dute lehen zatian. Athleticen jokoak minutuek aurrera egin ahala egin du hobera, eta baloiaren-jabetza eskuratzea lortu du. Lucescuren taldeak gol-aukera bakarra izan du aurreneko 30 minutuetan. Seigarren minutuan izan da, eta San Josek egindako akats baten ondorioz. Teixeirak errematatu du, baina Iraizozen erantzuna ona izan da.
Etxekoak ez dira Athletic desorekatzeko gai izan, eta bilbotarrek, bitartean, ondo presionatu eta arriskuko jokaldiak sortu dituzte. Hala ere, Pyatov atezainak ez du gehiegi sufritu. Azken metroetan asmatzea falta izan zaio Valverderen taldeari. Etxeita 32. minutuan lesionatu da eta Gurpegi zelairatu da bere ordez.
Atsedenaldirako zortzi minuturen faltan, jaurtiketa arriskutsua egin du Teixeirak, baina baloia kanpora joan da. Athleticek erasoan jarraitu du, eta Be¿ Muniain eta Mikel Rico jokalariek taldea markagailuan aurretik jartzeko abagunea izan dute.
Bigarren zatia hasi eta berehala, 1-0ekoa egiteko aukera ona izan du Douglas Costak, baina Iraizozek aldaratu du. Ukrainako taldea indartsu zelairatu da, Athletic estutu du eta golaren bila aritu da. 55.ean Luiz Adrianorentzat izan da aukera, eta minutu bat geroago Taisonentzat.
Shaktarren unerik gozoenean heldu da Athleticen gola, 67. minutuan. Be¿k bikain atera du falta bat, eta Mikel San Josek zulatu du sarea (0-1). Hamar minutu geroago, 77.ean, 0-2ekoa egiteko zorian izan da Muniain, baina nafarraren errematea kanpora joan da.
88.ean gutxigatik ez du Shaktarrek norgehiagoka berdindu, baina Balenziagak baloia aldaratu du, eskuarekin. Etxeko jokalariek penaltia eskatu dute, baina epaileak ez du ezer adierazi.
Fitxa teknikoa:
0 - Shakhtar Donetsk: Pyatov; Srna, Kucher, Rakitskiy, Shevchuk; Fernando (Fred, 77'), Stepanenko; Douglas Costa (Marlos, 67'), Teixeira, Taison (Bernard, 71'); eta Luiz Adriano.
1 - Athletic Club: Iraizoz; De Marcos, Etxeita (Gurpegui, 32'), San Jose, Balenziaga; Iturraspe, Rico: Susaeta (Aduriz, 64'), Be¿ Muniain (Unai Lopez, 88'); eta Viguera.
Golak:
0-1, 68': San Jose.
Zure interesekoa izan daiteke
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.