Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Jose Luis Oltra entrenatzaile valentziarra, Racing Santanderreko prestatzaile izan zen garaian. Argazkia: Europa Press
Alavesek Jose Luis Oltra fitxatu du, Quique Sanchez Floresen entrenatzaile laguntzaile gisa, 2026-27 denboraldirako.
Prestatzaile valentziarrak bi hamarkadako ibilbide luzea egin du futbol profesionaleko aulkietan. Azken denboraldian SD Huesca zuzendu du Hypermotion Ligan.
Bere ibilbidean zehar Levante, Tenerife, Deportivo A Coruña, Kordoba, Granada, Recreativo de Huelva eta Eldense taldeak zuzendu ditu.
Klub babazorroak nabarmendu duenez, Alavesek lantalde teknikoa indartu nahi izan du eskarmentu handiko profesional batekin, eta Oltrak Quique Sanchez Floresi eguneroko lanean lagunduko dio.
Zure interesekoa izan daiteke
Sanchez Flores: “Partidan indarrez jarduten saiatuko gara, hasieratik”
Toni Martinez: “Hainbatetan utzi dugu atea hutsean denboraldi honetan eta beste behin utzi nahi dugu Atleticoren aurka”
Ville Koski lesionatu egin da Finlandiako selekzioarekin
Alavesek porrot mingarria hartu du Espanyolen aurka azken minutuan galduta (1-0)
Zer nahiago du Quique Sanchez Floresek, Kopako finala jokatzea ala Europara sailkatzea?
Alavesek galdu egin du Madril CFF taldearen aurka (1-0)
Protesoni: “Ezin dugu gure helburua mailari eustea dela ahaztu"
Alavesek ezin izan du Bartzelona geldiarazi (0-6)
Sanchez Flores: “San Mamesen garaipen bat imajinatzea estimulu ikaragarria da"
