Mbappek eta Viniciusek saririk gabe utzi dute Alaves, Bernabeun ondo lehiatu arren (2-1)
Quique Sanchez Floresen mutilek behin baino gehiagotan izan dute partidan sartzeko aukera, baina ez dute ate aurrean asmatu. Toni Martinezek luzapenean sartutako gol polit batek gatz pixka bat jarri du, baina beranduegi zen dagoeneko.
Alavesek porrota jaso du Real Madrilen aurka Santiago Bernabeun (2-1), norgehiagoka ongi lehiatu duen arren. Mbappek eta Viniciusek zigortu egin dituzte arabarrak. Gasteiztarrek partidan sartzeko aukera izan dute behin baino gehiagotan, baina ez dute asmatu ate aurrean. Toni Martinezek luzapenean sartutako gol polit batek gatz pixka bat jarri du, baina beranduegi zen jadanik.
Kylian Mbappek ordu erdira sartutako golak abantaila eman dio Real Madrili partidaren atsedenaldian. Aurrelari frantziarrak Arda Guler turkiarraren pasea jaso ostean egin du gola. Jaurtiketa egin du area ertzetik, eta Alaveseko atzelari batek jaurtiketa desbideratu du, Sivera atezaina ezustean harrapatuz.
Alavesek berdinketa lortzeko aukera izan du lehen zatiko azken txanpan, Toni Martinezek zutoinera egindako jaurtiketa baten bidez.
Bigarren zatia ez da ondo hasi gasteiztarrentzat, Viniciusek bigarren gola egin baitu zurientzat bosgarren minutuan, urrunetik egindako jaurtiketa bikain batekin.
Azken ordu laurdenean Quique Sanchez Floresen taldeak bi gol aukera argi izan ditu, Toni Martinezen jaurtiketa on bat area ertzetik, Luninek geldiketa bikaina egin du, eta Paradaren burukada bat zutoinera, Martinez bera eskorpioiz errematatzen saiatu ondoren.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.