Alaves jaitsierako postuetara erori da, Atleticoren aurka galduta (1-0)
Alavesek ez du partida ona egin Metropolitanon, azken txanpan suspertu eta berdinketa lortzeko zorian izan bada ere. Sorlothek sartu du Atleticoren gola, bigarren zatia hasi eta berehala.
Alavesek 1-0 galdu du Atleticoren aurka gaur Metropolitanon jokatu duen partida, eta, ondorioz, jaitsierako postuetara erori da EA Sports Ligako sailkapenean.
Cholo Simeoneren taldea nagusi izan da, eta hainbat gol aukera izan ditu, baina bakarra sartu du, Sorlothen burukada bati esker, eta azkenean Madrilgo taldeak sufritu egin du emaitzari eusteko, Alavesek estu hartu baitu hondarreko minutuetan.
Lehen zatian, Atleticorena izan da baloiaren jabetza, eta, neurketaren hasiera kaskarra izan bada ere, une oro izan du mendean Chacho Coudeten taldea. Are gehiago, babazorroek ez dute euren zelaitik ateratzeko ahalmenik izan, eta, ondorioz, Oblak ikuslea besterik ez da izan Metropolitanon.
Sorloth, Julian Alvarez eta Giuliano izan dira jokalari arriskutsuenak Siveraren ate inguruan. Hainbat aukera izan dituzte, baina azken metroetan ez dute asmatu, eta golik sartu gabe joan dira atsedenaldira, Alavesen zorionerako.
Edonola ere, bigarren zatia lehendabizikoa bukatu bezala hasi da: Atletico erasoan eta Gasteizko taldea atzean sartuta. Azkenean, baina, denbora kontua izan da Simeoneren taldeak gola egitea. Sorlothek egin du 1-0ekoa, 48. minutuan, Pablo Barriosen erdiraketa bat buruz bikain errematatuta.
Markagailuan atzetik joanda, eta taldearen erreakzioa topatu nahian, Coudetek hainbat aldaketa egin ditu. Denis Suarez, Lucas Boye, Ander Guevara eta Abde zelairatu dira, Jon Guridi, Toni Martinez, Pablo Ibañez eta Carles Aleñaren ordez.
Alavesek aurrerapausoa eman du, berdinketa lortzeko helburuarekin, baina aukera garbirik sortu gabe. Atletico, berriz, babazorroek atzealdean utzitako zuloak baliatzen saiatu da, bigarrena sartu eta partida ixteko. Horretarako abagunerik onena Alex Baenak izan du, 70. minutuan, baina horren jaurtiketa zutoinera joan da.
Gasteizko taldea bizirik iritsi da norgehiagokaren azken txanpara, eta Atleticok atzera egin behar izan du emaitzari eusteko. Abdek eta Lucas Boyek berdinketa lortzeko aukera izan dute partidako azken minutuetan, baina ez da golik izan. Alaves berandu suspertu da, partida galdu du eta jaitsierako postuetara erori da, Levante eta Oviedorekin batera.
Zure interesekoa izan daiteke
Quique Sanchez Flores, Alaveseko entrenatzailea: "Arima duen taldea da, gustatzen zait"
Quique Sanchez Flores Alaveseko entrenatzaile berria aurkeztu dute asteazken honetan, eta taldeari buruzko lehen iritziak eman ditu, baita etorkizunari begira dituen helburuak ere.
Quique Sanchez Flores, Alaveseko entrenatzaile berria
Gasteizko klubak Eduardo Chacho Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.