Coudetek Alavesen entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Eduardo Chacho Coudetek Alavesen entrenatzailea izateari utzi dio, Gasteizko klubak berri eman duenez. Horrenbestez, Coudetek Alavesen eman duen urte bat eta hiru hilabeteko epea amaitu du; izan ere, 2024ko abenduan iritsi zen Gasteizko taldera, Luis Garcia Plazaren ordez.
Coudet entrenatzaile, Alavesek, 2024-2025 denboraldian, EA Sports Ligan mailari eustea lortu zuen, txapelketako azken-aurreko jardunaldian; Arabako taldeak hamabosgarren postuan bukatu zuen Liga, 42 puntu eskuratuta. 2025-2026 denboraldian, Alaves jaitsiera postuetatik kanpo ibili da, eta egun, 26. jardunaldia jokatuta, hamaseigarren tokian dabil, 27 puntu erdietsita, hau da, hamazortzigarren postuan dagoen Mallorcak baino hiru puntu gehiago eskuratuta; gainera, Alaves Errege Kopako final laurdenetara iritsi da, besteak beste Sevilla eta Rayo Vallecano txapelketatik at utzita.
Alavesek eskerrak eman dizkie Eduardo Coudeti eta bere lantalde osoari "egindako lanagatik", eta entrenatzaile argentinarrari "zorterik handiena" opa dio "hurrengo erronka profesional eta pertsonaletan".
Eduardo Coudet
Errespetu falta gisa ez ulertzea espero dut
Bestalde, Coudetek azaldu du taldetik alde egitea erabaki badu "aukera handi" bat eskaini diotelako izan da, eta "errespetu falta gisa ez ulertzea" espero duela erantsi du.
Argentinarrak, Gasteizko klubaren bidez, "jarraitzaile guztiei besarkada handi bat" bidali nahi izan die, eta eskerrak eman dizkie Alaveseko zuzendariei eta langileei "egindako lanagatik eta erakutsitako errespetuagatik". "Klub hau Lehen Mailan mantentzen dute", goraipatu du.
"Konfiantza handia izan talde honetan, ziur aski gauzak ondo joango direlako eta helburua beteko delako", gaineratu du.
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.