Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Alavesek 2-0 galdu du Levanteren aurka ostiral honetan, Ciutat de Valencia zelaian, EA Sports Ligako 26. jardunaldiari hasiera eman dion partidan. Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren azken minutuko golek punturik gabe utzi dituzte bisitariak.
Coudetek Toni Martinezen eta Boyeren aldeko apustua egin du erasoan, eta asmatu egin du, lehen minutuetan aukera bana izan baitute: Tonik buruz eta Boyek taldekako jokaldi batean. Levante taldeko jokalari arriskutsuena Carlos Alvarez izan da, jokoa antolatu baitu eta oso adi ibili baita.
Gasteizko taldea jokoa kontrolatzen joan da denborak aurrera egin ahala, eta min handia egin du hegaletatik eraso eginda. Antonio Blancok (100 partida jokatu ditu jada Ligan) gora jaurti du aukera on bat, eta Tonik bigarren aukera bat izan du jaurtiketa ugari izan dituen jokaldi korapilatsu batean.
12 jaurtiketa egin ditu Alavesek lehen zatian, baina ez du golik sartu. Azken minutuan, berriz, Siverak Carlos Alvarezen jaurtiketa bat gelditu behar izan du gola eragozteko.
Bigarren zatian ere agintzen hasi da Alaves, baina 60. minutuan dena aldatu da. Paradak bigarren txartel horia ikusi du, eta, ondorioz, Alaves bat gutxiagorekin geratu da. Horren aurrean, Coudetek aldaketak egin behar izan ditu, eta Guevara eta Garces sartu dira zelaira Aleña eta Toni Martinezen ordez.
Aukera hori baliatuta, Levantek gora egin du. Hurrengo minutuetan, Sivera izan da protagonista, hainbat geldiketa bikain egin baititu.
Alavesek eusten jakin du, baina Levantek gola egin du partidaren azken minutuan. Babazorroek lehen errematea oztopatu dute, baina Espik aldaratzea jaso, eta, zorte apur batekin, sarera bidali du baloia (1-0).
Luzapenean, Espik bigarren gola egin du (2-0), eta horrela amaitu da partida.
Alavesek garesti ordaindu du lehen zatiko aukerak aprobetxatu ez izana, eta punturik gabe itzuli da Levantetik.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.