Toni Martinezen eta Carlos Vicenteren golek final-laurdenetan sartu dute Alaves, Rayoren aurkako partida itxi batean (2-0)
Lehen zati orekatua hutsean berdinduta amaitu dute bi taldeek, baina atsedenaldiaren ostean Alavesek saria eskuratu du lehen minutuetan, eta jarraian aldapa gehiago leundu zaio Gasteizko taldeari, epaileak Isi Palazon egotzi baitu.
Alaveseko jokalariak, Toni Martinezek sartutako lehen gola ospatzen. Argazkia: EFE
Alaves Errege Kopako final-laurdenetan sartu da Mendizorrotzan jokatutako partida itxi batean Rayo Vallecanori 2-0 irabazita. Toni Martinezek aurretik jarri du talde babazorroa bigarren zatiaren hasieran, eta Carlos Vicentek bigarrena egin du azken minutuetan, ordurako Madrilgo taldea jokalari bat gutxiagorekin jokatzen ari zenean.
Lehen zatian, azpimarratzeko gutxi, erritmo falta eta jokoa nahiko trabatuta izan baita, Calebe Rayoren area barruan erori da, baina epaileak penaltirik ez zegoela iritzi dio eta, gainera, txartel horia atera dio jokalari babazorroari plantak egiteagatik.
13. minutuan, Caleberen erdiraketa batek ez du errematatzailerik aurkitu Rayoren area barruan. Handik gutxira, Rebbachek area kanpotik jaurtiketa egin du, baina Cardenasek baloia gelditu du aparteko arazorik gabe. Era berean, 26. minutuan, Yusik korner baten irteeran urrutitik egindako jaurtiketa Rayoko atezainak gelditu du.
30. minutuan Gumbauren jaurtiketa batek ez du Raul Fernandezen atea jo. Ondoren, Iñigo Perezek Camello ordezkatu behar izan du, lesioagatik, baina aldaketen leihoa aprobetxatu du Balliu kentzeko, eta horrek azalpenak eskatu dizkio entrenatzaileari.
Atsedenaldiaren aurretik, 43. minutuan, Rayok lehen zatiko abagune onena izan du. Raul Fernandezek geldiketa bikaina egin behar du Fran Perezen errematea kornerrera bidaltzeko.
Atsedenaldiaren ondoren, Alavesek saria lortu du, lehen zatiko aurreneko jokaldietako batean. Toni Martinezek aurretik jarri du talde babazorroa. 68. minutuan, partida eta kanporaketa hobeto jarri zaizkio Arabako taldeari, Isi Palazoni txartel gorria atera baitiote, ia zelairatu berri zenean.
88. minutuan, Madrilgo taldea erasoan zegoela, Carlos Vicentek Alavesen aukeretako bat baliatu du norgehiagoka eta kanporaketa erabakita uzteko. Galiziarrak bigarrena egin du neurketa ixteko. Lehentxeago, Guridik eta Blancok bigarren gola sartzeko aukera bana izan dute, baina ez dute asmatu.
- Fitxa teknikoa:
2 - Alaves: Raul; Tenaglia, Protesoni, Pacheco, Yusi (Otto, 91. min); Calebe (Vicente, 64. min), Guevara (66. min), Denis, Rebbach (Aleña, 64. min); Mañas (Blanco, 85. min) eta Toni Martinez (Guridi, 64. min).
0 - Rayo: Cardenas; Balliu (Chavarria, 40. min), Lejeune, Mendy, Espino; Oscar Valentin, Gumbau; Fran Perez Alemao (83. min), Trejo (Isi, 62. min), Nteka (De Frutos, 62. min); eta Camello (Alvaro Garcia, 40. min).
Epailea: Hernandez Maeso (Extremadurako Batzordea). Isiri txartel gorria atera dio (69. min). Txartel horia atera die Alaveseko Calebe (3. min), Protesoni (36. min) eta Guevara (65. min) jokalariei, eta Rayoko Fran Perezi (35. min).
Golak: 1-0, 49. min: Toni Martinez; 2-0, 89. min: Vicente.
Errege Kopako final-zortzirenetako partida Mendizorrotza futbol-zelaian jokatu dute, 9.953 ikusleren aurrean.
Zure interesekoa izan daiteke
Quique Sanchez Flores, Alaveseko entrenatzaile berria
Gasteizko klubak Eduardo 'Chacho' Coudet ordezkatzeko aukeratu du 61 urteko entrenatzailea; izan ere, River Plate taldeak Coudet fitxatu du. Sanchez Flores, EA Sports Ligan, Getafe, Valentzia, Atletico Madril, Espanyol eta Sevilla zuzendu ditu. 2028ra arte sinatu du Alavesekin.
Coudetek Alaveseko entrenatzailea izateari utzi dio
Argentinarra 2024ko abenduan hasi zen euskal taldea zuzentzen, Luis Garcia Plazaren ordez. 2024-2025 denboraldian, Coudet entrenatzaile zebilela, Alavesek EA Sports Ligako azken-aurreko jardunaldian lortu zuen mailari eustea, eta 2025-2026an jaitsiera postuetatik kanpo ibili da.
Sivera: "Bat gutxiagorekin egotea traba izan da"
Alaveseko atezainak EA Sports Ligako 26. jardunaldian Levanteren aurka jasotako porrotari buruz hitz egin du (2-0).
Espiren azken uneko golek Alavesen lan ona zapuztu dute Levanten (2-0)
Babazorroak jaun eta jabe izan dira lehen zatian, gola sartzeko aukera asko izan dituzte, baina Parada kaleratzeak eta Espiren bi golek punturik gabe utzi dituzte bisitariak.
Chacho Coudet, River Platen ustezko eskaintzari buruz: "Inor ez da nirekin komunikatu, ezta nire ordezkariarekin ere"
Chacho Coudet Alaveseko entrenatzaileak River Plate taldearen ustezko fitxaketaren zurrumurruei buruz hitz egin du prentsaurrekoan. Azaldu duenez, inork ez dio ezer galdetu, ez berari ezta haren ordezkariari ere. Halaber, biharko Levanteren aurkako partida nola ikusten duen aztertu du.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.