Alavesek porrot egin du Rayoren aurka Mendizorrotzan jokatutako partida grisean (0-2)
Alavesek 0-2 galdu du Rayo Vallecanoren aurka larunbat honetan Mendizorrotzan jokatu duen EA Sports Ligako 29. jardunaldiko partida.
Partida hasi eta berehala, babazorroei aurka jarri zaie markagailua. 2. minutuan, Pate Cissek buruz errematatu du korner batean, bakar-bakarrik, markagailua irekitzeko (0-1).
Alavesek ere kornerretik erantzun du. Aurkariaren atezainak aldaratze txarra egin ostean, baloiak langa jo du, Mouriñok harrapatu du errematea, baina Aridanek eragotzi du baloia sarera sartzea.
12. minutuan, Tenaglia area barrura sartu da, Chavarriak lurrera bota du, eta epaileak penaltia adierazi du. Joan Jordanek jaurti du hamaika metroko puntutik, baina Batallak asmoa atzeman dio, geldi geratu da, eta baloia eskuetara iritsi zaio.
Kolpe gogorrak partidan sartzeko balio izan dio Gasteizko taldeari, eta pixkanaka protagonismoa hartu, eta partidaren erritmoa markatu du, baita aukera garbiak sortu ere. Cabanesen jaurtiketa gora joan da, eta Batalla berriro agertu da Kike Garciaren jaurtiketa gelditzeko.
Bigarren zatian, Alaves nagusitasun horri eusten saiatu da. Hainbat hurbilketa izan ditu, eta argiena Guridiren burukada bat izan da, atezainak maisutasun handiz urrundu duena.
Azkenean, Rayok egin du gola, Pedro Diazen jaurtiketa gurutzatu on batekin (0-2).
Coudetek aldaketak egin ditu, erasorako jokalariak sartu ditu markagailua iraultzeko, baina babazorroak erritmoa jaisten joan dira, eta Madrilgo taldea gora etorri da.
Azken minutuetan, gertuago egon da Rayoren beste gol bat Alavesen lehenengoa baino, eta babazorroek beste porrot bat gehitu dute, mailari eusteko helburuan batere laguntzen ez diena.
Fitxa teknikoa:
0 - Alaves: Sivera, Tenaglia, Mouriño, Abqar, Manu Sanchez, Blanco, Jordan (Conechny, 78. min), Cabanes (Vicente, 46. min), Guridi (Toni Martinez, 59. min), Aleña (Carlos Martin, 59. min) eta Kike Garcia.
2 - Rayo Vallecano: Batalla; Ratiu, Aridane, Fernandez, Chavarria; Pathe Ciss, Alvaro (Embarba, 70. min), Unai Lopez (Isi, 84. min); De Frutos (Balliu (70. min); Trejo (Pedro Díaz, 54. min) eta Nteka (Espino, 54. min).
Golak: 0-1, 2. min: Pathe Ciss. 0-2, 58. min: Pedro Diaz.
Epailea: Munuera Montero. Txartel horia atera die Cabanes, Mouriño, Tengalia, Pelay, Nteka, Oscar Valentin, Batalla eta Aridane jokalariei.
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.