Alaves saiatu da Real Madrilen aurka, baina seigarren porrota pilatu du segidan (2-0)
Alavesek seigarren partida galdu du jarraian ostiral honetan, Real Madrilen aurka 2-0 galdu ostean, Juan Ramon Lopez Muñizek arabarren aulkian debutatu duen egunean. Horrela, arabarrek gero eta gertuago dituzte jaitsiera postuak, Mallorcari hiru puntuko aldea bakarrik ateratzen baitiete orain.
Hala ere, Alavesek ausart eta aurkariari min eginez ekin dio partidari, eta horren adierazle garbia da 3. minutuan Joseluk buruz langaren aurka bidali duen baloia. Alderatzea Lucas Perezi heldu zaio, eta haren jaurtiketa Varanek atera du atepean.
Zuriek, ordea, ez dute barkatu izan duten lehenengoa abagunean. Mendy frantziarrak barneraldia egin du ezkerretik, eta Ximo Navarrok falta egin dio area barruan. Benzemak jaurti du penaltia zigortuta zegoen Sergio Ramosen ordez, eta aurretik jarri du bere taldea (10. minutua).
Ondoren, lehen zatiaren erdialdean, Burke eskoziarrak jokaldi bikaina gauzatu, baina haren ahaleginari gelditu eder batekin erantzun dio Cortouis etxekoen atezainak. Berdinketa izango zen atsedenaldira iristeko, nahiz eta nagusitasun sentsazioa madrildarrena izan.
Bigarren zatia ezin izan da hobeto hasi etxekoentzat, bigarren golaren lasaitasuna aurkitu baitute bost minutu igaro ostean. Rodrygok jokaldi polita antolatu du, Benzemarekin jokatu eta haren erdiraketa lasaitasun handiz bidali du sare barrura Asensiok. Hasiera batean epaileak baliogabetu egin du gola, Benzema jokoz kanpo egon delakoan, baina VARak ezeztatu egin du erabaki hori Laguardiak aurrelari frantziarra gaitzen zuela ikusita. Ondorioz, gola markagailuan islatu da.
2-0ekoak partida asko lasaitu da, eta madrildarrek ez dute sufritu markagailuari eusteko. Gainera, Modric eta Kroos hirugarrena lortzetik gertu egon dira area aurrealdetik egindako jaurtiketekin, baina Roberto sendo azaldu da atepean. Joseluk ere izan du beste aukera bat Alavesen gola erdiesteko, baina Courtoisek ekidin du.
Horrenbestez, Real Madrilek gero eta gertuago dauka Liga txapelketa bereganatzea; Alavesek, ostera, borrokan jarraitu beharko du jaitsiera gunetik aldentzeko.
Fitxa teknikoa:
2 - Real Madril: Courtois, Lucas Vázquez, Varane, Militao, Mendy, Casemiro (Brahim, 93. min), Kroos, Modric (Fede Valverde, min. 70), Marco Asensio (Vinicius, 70. min), Rodrygo (Isco, 82. min) eta Benzema (Hazard, 82. min).
0 - Alaves: Roberto, Ximo (Aguirregabiria, 24. min), Laguardia, Ely, Adrián Marín, Fejsa (Abdallahi, 56. min), Camarasa, Burke, Edgar (Borja Sainz, 68. min), Joselu (José Luis Rodríguez, 68. min) eta Lucas Pérez (Rioja, 56. min).
Goles: 1-0, 11. min: Benzema, penaltiz. 2-0, 50. min: Asensio.
Epailea: Jesús Gil Manzano. Txartel horia: Abdallahi (Alaves).
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.