Wakasori ebakuntza egingo diote eskuin eskuan duen haustura sendatzeko

Wakaso Mubarak Alaveseko jokalariari ebakuntza egingo diote eskuin eskuko metakarpoko haustura sendatzeko. Erdilariak Osasunaren aurkako euskal derbian hartu zuen min.

Futbolaria kirofanotik pasako den arren, sendatze-epea oso laburra izango da, eta astean zehar entrenamenduetara itzuli ahalko da. Gainera, prest egongo da Valladoliden aurkako partidarako.

Alavesek jakinarazi duenez, klubak egunero emango du Wakasoren egoeraren berri. Ustez, ebakuntza erraza da, eta jokalariaren eboluzioa azkarra izatea espero da.