Garaipen erosoa lortu du Alavesek Malagan (0-3)
Alavesek 0 eta 3 irabazi dio Malagari La Rosaledan, Ligan helbururik gabe geratu diren bi taldeen arteko norgehiagokan. Andaluziarrek itxura oso kaskarra eman dute eta zaleen txistuak jaso dituzte.
Malaga duela hiru aste jaitsi zen Bigarren Mailara; Alavesek, berriz, ziurtatuta dauka datorren denboraldian Lehen Mailan jarraitzea.
Arabarrek berehala egin dute partidako lehen gola, Manu Garcia kapitainak egin du, lehen zatiko 3. minutuan.
Alavesen golak ez du Malaga esnatu, eta etxeko taldeak ordu laurden luze eman du Pachecoren area ingurura hurbildu barik. Taldearen ezinean ikusita, zaleak oso haserre agertu dira.
Atsedenaldiaren ostean, eta partida kontrolpean zuela ikusita, arabarrek kontraerasora jokatu dute. 67. minutuan bigarren gola iritsi da: Ibai Gomezek pasea eman dio Demirovici eta bosniarrak Andres Prieto atezaina gainditu du.
Malagak ez du hobera egin eta bi minutu geroago Ibai Gomezek gol ederra sartu du, bere taldearen hirugarrena. Rosaledako zaleek txaloz saritu dute bizkaitarraren gol ikusgarria.
Fitxa teknikoa
0 - Malaga: Andrés Prieto; Rosales, Luis Hernández, Ignasi Miquel, Diego González; Lestienne, Adrián, Lacen (Iturra, 64. min), Rolan (Bueno, 81. min); Ideye (Borja Bastón, 46. min) eta En-Nesyri.
3 - Alaves: Pacheco; Alexis, Ely, Maripán, Diéguez (Martín, 46. min); Ibai, Diego Torres, Manu García, Víctor (Burgui, 60. min); Demirovic, Guidetti (Wakaso, 74. min).
Golak: 0-1, 3. min: Manu Garcia. 0-2, 67. min: Demirovic. 0-3, 69. min: Ibai.
Zure interesekoa izan daiteke
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Lucas Boye: “Beti gainditu nahi dut nire burua eta helburua gutxiago sufritzea da”
Lucas Boyek bigarren denboraldia du Alavesen. Aurrelari argentinarrak denboraldi honetan "etxean gure jendearekin gozatzeko gogoz" dagoela adierazi du. Oporretan gustora egon dela ere onartu du, joan den denboraldian izandako gaitz fisikoetatik sendatzeko balio izan diotelako. Taldeak merkatuan mugimenduiak egitea espero du eta, azkenik, ez du esan nahi izan zenbat gol sartuko dituen, baina bai aurreko denboraldian egindakoa gainditzea eta ez sufritzea direla helburuak. (Bideoa gazteleraz).
Unai Roperok utzita jokatuko du hirugarren denboraldia jarraian, oraingoan Racing Ferrolen
Ibaiako harrobiaren aurrelari gasteiztarra Herculesen aritu zen utzita joan den denboraldian. Era berean, duela bi denboraldi Eldensen jokatu zuen utzita.
Alavesek lehenengo lan saioa egin du Ibaian
Quique Sanchez Floresek zuzentzen duen taldeak lehen entrenamendua egin du asteazken goizean. Hilaren 18an, Guardian, talde babazorroak bere lehen lagunartekoa jokatuko du, Eibarren aurka.
Protesoni: “Eskaintza batzuk entzun dira, baina ez nuen Gasteiztik alde egin nahi"
Atzelari uruguaitarrak 2028ra arte berritu du kontratua Alavesekin. Protesonik prentsaurrekoan adierazi duenez, "Quiquek (Sanchez Flores), iritsi denetik, konfiantza handia eman dit".
Alaves lanean hasi da, eta lehen azterketa medikuak burutu ditu
Multzoka, Gasteizko taldeko jokalariei mediku azterketak egiten hasi zaizkie. Asteazkenean izango du Alavesek denboraldiaurreko lehenengo entrenamendua.
Alavesek Oltra fitxatu du Sanchez Floresen laguntzaile gisa, lantalde teknikoa sendotzeko
Prestatzaile valentziarrak ibilbide luzea du aulkietan. Oltrak Huesca, Levante, Tenerife, Deportivo A Coruña, Kordoba, Granada, Recreativo de Huelva eta Eldense zuzendu ditu, besteak beste.
Itziar Gastearena, Elene Errasti, Jimena Vicario, Raquel Gil eta Vicky Chicak ez dute Alavesen jarraituko
Gastearena bi arotan izan da talde babazorroan. Errastik talde gasteiztarra utziko du bost denboraldiren ostean. Vicario eta Gil duela bi denboraldi iritsi ziren Alavesera, eta Chica joan den udan heldu zen Arabako hiriburura.
Aitor Mañasek 2030era arte berritu du Alavesekin, eta lehen taldera egin du jauzi
Aurrelari madrildarra aurreko denboraldian iritsi zen Gasteizera, Deportivo Aragon taldetik, Aragoiko bigarren taldean denboraldi bikaina egin eta gero.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.