Bayernek eta Manchester Unitedek garaipena, eta Erromak berdinketa lortu dute Txapeldunen Ligako estreinakoan
Bayern Munichek 5-0 jipoitu du Bodo/Glimt, Manchester Unitedek 4-0 garaitu du Sabah, eta AS Romak bana berdindu du Fenerbahçeren aurka 2026-27ko Txapeldunen Ligako lehen jardunaldian. Como 1907k ere garaipen argia lortu du RB Leipzigen aurka, eta Shakhtarrek puntu bat eskuratu du PSVren zelaian.
Bayern Munichek nagusitasunez hasi du 2026-27ko Txapeldunen Ligako ibilbidea, Bodo/Glimt taldea 5-0 jipoitu ondoren Allianz Arenan. Talde alemaniarrak, titulua lortzeko hautagaietako batek, bigarren zati handi bat behar izan du atsedenaldira golik gabe iritsi den partida erabakita uzteko.
Izan ere, bigarren zatia hasi eta berehala aurreratu da Bayern. Jokaldi luze baten ostean, Harry Kanek ezkerrez jaurti du area barrutik, eta Bodo/Glimt taldeko defentsa batean baloia errebotatu ondoren, Jamal Musialak aldaratzea baliatu du boleaz gola sartzeko.
61. minutuan, Kanek abantaila handitu du burukada batekin. 3-0ekoa 77.ean iritsi da, Alphonso Daviesek korner baten ondoren Norvegiako defentsaren aldaratze txar bat aprobetxatu duenean.
Michael Olise izan da azken minutuetako protagonista nagusia. 83. minutuan 4-0ekoa egin du falta baten ondoren, eta, partida amaitzear zela, 90+2. minutuan, beste gol bat sartu du ezkerrez.
Manchester United F.C. vs Sabah FK (4-0)
Manchester Unitedek ere garaipena lortu du Old Trafforden Sabahri 4-0 irabazita. Matheus Cunhak ireki du markagailua ordu erdira, area txikian Patrick Dorguk bidalitako erdiraketa errematatuta.
Atsedenaldira iritsi baino pixka bat lehenago, Bruno Fernandesek 2-0ekoa egin du Youri Tielemansek hasitako jokaldi baten ondoren. Benjamin Seskok abantaila handitu du handik gutxira, atzelaria gainditu eta gola nahi bezala eginez. Partida bideratuta zegoela, Lisandro Martinezek 4-0ekoa ezarri du area barruko nahasmen baten ostean.
Como 1907 vs RB Leipzig (4-1)
Comok ezustekoa eman du RB Leipzigi 4-1 gailenduta. Martin Baturinak 1-0ekoa egin du Alemaniako taldearen defentsako hutsunea baliatuta, eta Anastasios Douvikasek aldea handitu du kontraeraso azkar baten ondoren.
Assane Diaok 3-0ekoa egin du Nico Pazen pasea aprobetxatuta, eta Maximo Perronek laugarrena sartu du antzeko jokaldi batean. Leipzigek Andrija Maksimovicen golari esker lortu du aldeak zerbait murriztea.
?ts=1789112880943&dpr=off&fmt=webp-alpha&qlt=80 "UEFA Champions League - Como 1907 vs RB Leipzig")
Fenerbahçe vs A.S. Erroma (1-1)
AS Romak, berriz, puntu bakarrarekin ekin dio lehiaketari. Italiako taldeak 1-1 berdindu du Fenerbahçeren aurka Istanbulen.
PSV Eindhoven vs FC Shakhtar Donetsk (1-1)
Shakhtar Donetskek ere berdindu egin du PSV Eindhovenen aurka.
Slavia Praha vs RC Lens (2-3)
Jardunaldiak, gainera, amaiera zirraragarria izan du RC Lens eta Slavia Praga taldeen arteko neurketan. Frantziarrek 2-3 irabazi dute, luzapenean partida iraulita. Florian Thauvinek buruz sartu du berdinketaren gola, eta, handik gutxira, Ruben Aguilarrek eman dio garaipena Lensari, areaz kanpotik egindako eskuinezko jaurtiketa zehatz batekin.
Hala, Bayern Munichek, Manchester Unitedek eta Como 1907k hiru punturekin hasi dute Txapeldunen Ligako ibilbidea. AS Romak eta Shakhtarrek, berriz, puntu bana eskuratu dute lehen jardunaldian.
Zure interesekoa izan daiteke
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.