Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Mbappek frantziarren lehen gola egin du. Argazkia: EFE
Kylian Mbappe eta Ousmane Dembeleren golekin, Frantziak 2-0 irabazi dio Marokori eta 2026ko Munduko Txapelketako finalerdietara sailkatu da. Uztailaren 14an Dallasen jokatuko du Espainia-Belgika partidaren irabazlearen kontra.
60. minutuan, Mbappek Lionel Messi berdindu du ostegun honetan Bostonen, txapelketako golegileen sailkapenean. Biak daude lidergoan, zortzi golekin; eta aurrelari frantziarrak dagoeneko 20 gol egin ditu munduko txapelketatetan, argentinarrak bezalaxe. Lehen zatiko 28. minutuan, ordea, Bono Marokoko atezainak penalti bat gelditu dio Frantziako izarrari.
Frantziak norgehiagoka erabakita utzi du 66. minutuan, Dembelek 2-0ekoa egin duenean. PSGko aurrelariak jadanik bost gol sartu ditu txapelketan.
Lehen zatian Frantziak jokoaren kontrola izan du, baina ezin izan da markagailuan aurreratu. Besteak beste, Kylian Mbappek penalti bat huts egin du, Bonok gelditu ostean. Hala ere, atsedenaldiaren ondoren aurrelariak bere maila erakutsi du, eta jaurtiketa bikain batekin 1-0ekoa egin du.
Sei minutu geroago, Ousmane Dembelek aldea handitu du, kontraeraso azkar bati amaiera emanez. Marokok baloiaren jabetza handiagoa izan du bigarren zatian, eta Azzedine Ounahiren gidaritzapean erreakzionatzen saiatu da, baina Frantziaren defentsa sendoak ez dio aukerarik eman.
Azken txanpan, Mbappek aldaketa eskatu du min hartuta, baina itxuraz lasai utzi du jolas-eremua.
Garaipen honekin, Frantziak txapelketako faboritoetako bat dela berretsi du, eta finalerdietako aurkaria ezagutzeko zain geratu da.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.