Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Suitzak penaltietan lortu du sailkatzea, Kolonbiaren aurka. Argazkia: EFE.
Suitza 2026ko Munduko futbol Txapelketako final laurdenetarako sailkatu da, asteazken goizaldean. Mexikon, Estatu Batuetan eta Kanadan jokatzen ari diren txapelketan, final zortzirenetan, Suitza Kolonbiari gailendu zaio, penalti jaurtiketetan, bi selekzioek 0-0 berdindu eta gero. Horrenbestez, prest daude final laurdenetako kanporaketa guztiak; ostegun gauean hasiko dira jokatzen txanda hori, igande goizaldera arte.
Hain zuzen ere, hauexek dira final laurdenetako kanporaketak: koadroko atal batean, Frantziak Marokoren aurka jokatuko du, ostegunean, 22:00etan, eta Espainiak Belgika izango du aurkari, ostiralean, 21:00etan; koadroko beste atalean, Norvegia eta Ingalaterra arituko dira nor baino nor gehiago, larunbatean, 23:00etatik, eta Argentinak Suitzaren kontra jokatuko du, igandeko 03:00etan.
Frantzia-Maroko eta Espainia-Belgika partidetako irabazleek lehenengo finalerdia jokatuko dute, asteartean, hilaren 14an, 21:00etan, eta Norvegia-Ingalaterra eta Argentina-Suitza neurketetako garaileak, ordea, bigarren finalaurrekoan arituko dira, asteazkenean, hilaren 15ean, 21:00etatik aurrera ere bai. Hilaren 18an, hirugarren posturako partida izango da jokoan, eta biharamunean, uztailaren 19an, igandez, 2026ko Munduko Txapelketako final handia izango da.
Final zortzirenetako azken partidan, alegia, Suitzaren eta Kolonbiaren arteko kanporaketari dagokionez, bi selekzioak oso parean ibili dira Vancouverren. Tentsio handia izan da berdegunean, jokoan sari handia baitzegoen. Kolonbiak kontrolatu du jokoa gehiago, Suitzak baino, baina ez da golik izan, ez partidan ez luzapenean, eta irabazlea penaltietan zehaztu da; hamaika metroetatik, Ruben Vargas Suitzako jokalariak sartu du erabakigarria izan den azken gola (4-3).
Jarraitu txapelketako informazioa kirolakeitb.eus-ek Munduko Txapelketari buruz duen web orri berezian.
Zure interesekoa izan daiteke
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.