Argentinak eta Kolonbiak final-zortzirenetarako txartela lortu dute Cabo Verde eta Ghana gaindituta
Argentinak luzapena behar izan du Cabo Verde talde borrokalaria 3-2 mendean hartzeko, eta Egiptoren aurka jokatuko du 2026ko Munduko Txapelketako final-zortzirenetan. Kolonbiak, bere aldetik, Ghanari irabazi dio (1-0) Jhon Ariasen gol bati esker, eta Suitzaren aurka neurtuko ditu indarrak.
Argentinak eta Kolonbiak 2026ko Munduko Txapelketako final-zortzirenetarako sailkapena ziurtatu dute, bi kanporaketa oso ezberdin gainditu ondoren. Munduko txapeldunak Cabo Verde (3-2) mendean hartzeko lan egin behar izan duen bitartean, Kolonbiak nagusitasunez eta ezustekorik gabe irabazi du Ghanaren aurkako neurketa (1-0).
Miamiko Hard Rock Stadiumean, Lionel Scalonik zuzentzen duen taldeak berriz ere erakutsi du bere partaidetza historikoa ez dela kasualitatearen emaitza. Lionel Messik 29. minutuan ireki du markagailua, txapelketako bere zazpigarren golarekin, eta Munduko Txapelketetako hogeigarren golarekin.
Hala ere, Cabo Verdek atsedenaldiaren ostean erreakzionatu eta 59. minutuan berdindu du Deroy Duarteren bitartez. Argentinak abantaila berreskuratu du luzapena hasi eta berehala Lisandro Martinezengol batekin, baina 103. minutuan Sidny Lopes Cabralen gol ikusgarriak partida orekatu du.
Neurketa penaltietara bideratuta zegoela zirudienean, Cristian Romerok buruz egindako errematea 3-2koa izan da, Diney Borgesek baloia bere atean sartu eta gero. Argentinak eutsi egin dio talde afrikarraren azken bultzadari, eta final-zortzirenetarako txartela lortu du.
Kolonbiak, bere aldetik, txapelketako hamasei selekziorik onenen artean dagoela berretsi du, Kansasko Arrowhead Stadiumen Ghana 1-0 garaituta. Partidako gol bakarra 15. minutuan iritsi da, Jhon Ariasek Luis Suarezek hasitako ekintza ona burutu duenean.
Kolonbiak ez du bere jokorik distiratsuena erakutsi, baina nagusi izan da. James Rodriguez atsedenaldian ordezkatu duen Juan Fernando Quinterok dinamismo handiagoa eman dio taldeari, eta Luis Diazek aukera garbiak izan ditu aldea handitzeko, tartean baliogabetutako gol bat eta buruz buruko aukera bat.
Ghanak apenas sortu du arriskurik, eta Munduko Txapelketari agur esan dio erreakzionatzeko gaitasunik gabe. Garaipen honekin, Kolonbiak Suitza izango du aurkari final-zortzirenetan, historian bigarren aldiz Munduko Kopa bateko final-laurdenak lortzeko helburuarekin.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Egiptok penaltietan irabazi dio Australiari eta final-zortzirenetan da
Arauzko denboran bana berdindu eta luzapenean golik sartu ez ondoren, penaltiek afrikarren garaipena ebatzi dute (2-4).
Portugalek Kroaziari irabazi dio luzapenean, eta Suitzak nagusitasunez egin du aurrera final-zortzirenetara
Portugalek 2026ko Munduko Txapelketako final-zortzirenetarako txartela eskuratu du Kroaziari 2-1 irabazita, Gonçalo Ramosek 94. minutuan sartutako golari esker. Suitzak ere aurrera egin du, Aljeria (2-0) garaituta, eta hurrengo kanporaketako aurkaria ezagutzeko zain dago.
Unai Simonek bere izena idatzi du Munduko Txapelketen historian, Walter Zengaren marka gaindituta
Murgiako atezainak marka lortu du gaur Austriaren aurkako partidan, 89 minutu jarraian bere atea hutsean utzi ondoren. Horrela, Walter Zenga italiarrak 1990eko Italiako Munduko Txapelketan ezarri zuen 517 minutuko langa gainditu du.
Harrera beroa egin diote Irango selekzioari Teherango aireportuan, nahiz eta multzoen fasea ez gainditu
Multzoen fasean txapelketatik kanpo geratu diren arren, zaleek euren jokalariek egindako ahalegina txalotzen jakin dute. Irango Federazioak FIFAren aurrean salatu ditu Munduko Txapelketan izandako oztopo eta arazoak, baina FIFAk ez du erantzunik eman, eta ez dirudi egingo duenik.
Belgikak Senegal kanporatu du (3-2), eta AEBk Bosnia-Herzegovina (2-0), Munduko Txapelketako final hamaseirenetan
Sailkatzea lortu duten bi selekzioak nor baino nor gehiago arituko dira, datorren asteko astearteko goizaldean, final zortzirenetan. Belgikak luzapenean eskuratu du garaipena, 0-2ko emaitza berdinduta, eta AEBk argi menderatu du aurkaria.
Kanek Ingalaterra erreskatatu du Kongoren aurrean (2-1), eta Mexikoren aurka jokatuko du final-zortzirenetan
Cipengak aurretik jarri du Kongoko Errepublika Demokratikoa aurreneko minutuetan, eta Mpasi atezain afrikarrak geldiketa ugari egin ditu, baina Bayern Municheko aurrelariaren bi golek markagailua irauli dute partidako azken ordu laurdenean.
-2?fmt=webp-alpha&qlt=80)
Bielsa, Koeman eta Beccacece aulkietako azken biktimak, Munduko Txapelketa honetan
"Amaiera hau, agur hau, oso mingarria da", onartu du Marcelo Bielsa Uruguairen hautatzaileak, kargua utziko duela iragarri ostean. Ronald Koeman prestatzaile holandarrak ere jakinarazi du ez duela kontratua berrituko Marokoren aurka galdu ostean. Era berean, Sebastian Beccacece Ekuadorren entrenatzaileak dimisioa eman du, Mexikoren kontrako porrotaren ondotik.
Frantziak eta Mexikok final-zortzirenetarako txartela lortu dute
Frantziako selekzioak Suediari irabazi dio (3-0) eta Paraguairen aurka jokatuko du final-zortzirenetan. Mexikok, bestalde, Ekuador menderatu du (2-0).