Haalanden eraginkortasunak erabaki du azken txanpan: Norvegia sailkatu da, Boli Kostari irabazita (1-2)
Antonio Nusa trebeak aurretik jarri ditu norvegiarrak atsedenaldira iritsi aurretik, baina Amad Diallok berdinketarako gola egin du 75. minutuan. Neurketa luzapenera zihoala zirudienean, Haaland agertu da, 86. minutuan, eta berdinketa desegin du.
Norvegiarrak Haalanden gol erabakigarria ospatzen, partidaren azken minutuetan. Argazkia: EFE
Erling Haalanden gol batek, 86. minutuan eta bere aukera argi bakarrean, Boli Kostaren aurkako berdinketa desegin du, garaipena eman dio Norvegiari eta Eskandinaviako taldea Metlife estadiora bidali du, Brasil zain izango duen tokira.
Ia ez da norgehiagoka osoan agertu, baina dohain berezi bat du. Bezperan Stale Solbakken hautatzaile norvegiarrak esan zuen bezala, intuizioa du gola non dagoen jakiteko. Partida oso eskas baten ondoren, Haalandek baloi erabakigarria aurkitu du, Boli Kostak erantzuteko astirik ez zuenean. Manchester Cityko aurrelariak Patrick Bergen pase bat sarera bultzatu besterik ez du egin.
Bolikostarrek eta norvegiarrek partida kaskarra egin dute, hanka-sartze askorekin, baina Haalanden eraginkortasunak konpondu egin du.
Haaland jokotik at zegoenean, Norvegiak atsedenaldia baino lehen aurkitu du irtenbidea Antonio Nusa trebearen oinetan, gol bikaina asmatu baitu, area ertzean atzelariei izkin egin eta Yahia Fofanatik urrun jarri du baloia gurpil zoragarri batekin (39. min).
Bigarren zatiaren hasieran berdinketa lortu ahal izan du Faeren taldeak, Nicolas Peperi area hegalean erori zaion baloi batekin, baina Vila-realeko jokalariak Orland Nylandekin egin du topo. Atezain norvegiarrak hankekin aldaratu du baloia.
Torbjorn Heggemek ere izan du abagunea korner batean, Sorlothek baloia orraztu ostean, baina baloia atepetik atera du Boli Kostako atzelari batek (66. min). Ondoren, Amad Diallo zelairatu da, eta Manchester Unitedeko futbolaria erabakigarria izan da.
Izan ere, Boli Kostako jokalariak, lehen zatian Nusak egin bezala, gola asmatu du eskuin hegaletik jokaldi bikaina eginda, erregate batekin eta jaurtiketa gurutzatu batekin (75. min). Beste gol polit bat norgehiagoka berdintzeko, eta luzapenera bideratzeko.
Baina ziurgabetasunean Haaland erregea da, eta Norvegiako erraldoiak ez du huts egin, bere bosgarren gola sartu du txapelketan, eta bere taldea final-zortzirenetarako sailkatu du.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.